من هــو الـشــاعــر ؟

ابو شاهر ,,

وش هالحظ المنيل بستين نيلة ,,

ما اجي الا وانا متعلق ,,

,

بس تدري ابسنتر هنا ,,

,

صح يا ابو شاهر ,, بس خلص علينا ,,

,

امون يابو سليمان ,,

.

.

معليش طولت عليكم

بس كيف الشمس

هههههههه


محمود تلحق والا ما تلحق


هذا النص

7

7

يا صغيّر ما يكبرني لقب =وما يصغرني إذا انكرني صغير
ما خذينا الصيت من جمع الذهب =ولا نسابة شيخ او قربة وزير
كاسبينه من هل السيف الحدب =الجنايز كان ما جاك النذير
صيتهم نجم ٍ على رأسه لهب =سمعوا الصقهان به واجهر ضرير
بالوفا تاريخ أبيض ينتصب =لا حكوا بالحق حيين الضمير
ضيغمين للسناعيس انتسب =لابةٍ طلنا بها عرش كبير
عند حدك يا كثير الهرج تب =لا تمر النار وثيابك حرير
كان لك عز بذلي فتعقب =والله ألا تبطي وحبلك قصير
احسبنك من صناديد العرب =واثر ساترتك عباتك ياغرير
ما حسب للسوس زراع القصب =والقراده ما درى عنها البعير
ولو حسبنا للحسايف والتعب =ما بذرنا يا العصافير الشعير
عن هللك ابراي لله واحتسب =الرجال اللي مجاراهم عسير
من قريش المصطفى وابو لهب =والدغالب ما غشت عذب الغدير
للرجال من الرجاجيل العتب =والزكاة تحل في حال الفقير
لعنبو وقتٍ غدينابه حطب =تحرقه نار يثورها اجير
ما ألومك والزمن سوى العجب =هو بقى غير الكرامه بالجفير
ما أذل وراسي يشم المهب =لو بقى من شمر طفلٍ غرير
ما اهاب ولا يزلزلني غضب=الشجاعه ورث العاقل عزير
يا صغير ما يكبّر باللقلب=غير من هو كان من دونه صغير

محمود
ان من يوم شفتك متحمس عرفت ان اللعبه تخرب
ههههههههههههههههه

ههههههههههههههههههههههههههه


محمود


الوعد الجادة كان لحقت على شيء أنت ووجهك


صالح / المايك معك وصح

استلم ولاتفوتك يامحمود من الشاعر

عقـدٍ من اللــولـو وعقـدٍ من الـمـاس=وعـقدٍ عـلى نحــر القــوافي بريــقه
الشعر فيض احساس من واقع الناس=أكبر مهماته وصول الحقيقه
ياللي تظن الشعر كتبٍ بقرطاس=وهمٍ على غر المذابح وثيقه
الشعر فيض أحداث وشعور واحساس=على السراير والبصاير مويقه
مرٍ تصرم معضلاته من الراس=ومرٍ يسوقه هم وقتٍ وضيقه
مرٍ مثيراته تعود بالافلاس=ومر يفيض وتختفي ما تطيقه
ما هوب وقفٍ للتسلي والاوناس=مفتاح بيبان القفول الغليقه
يثير شجعانٍ على قب الافراس=لا طار ستر العاشقه والشقيقه
ويثير مشغوفٍ على الدرع والطاس=دون الحلال ودون حرمة فريقه
فيه اختلاف اشكال وهموم وجناس=كم واحدٍ من همها جف ريقه
تشوف به عز ومعزه ونوماس=ودربٍ يضيق وينتهي في مضيقه
وكم واحدٍ عَــزه وجـاره من البـاس=وكم واحدٍ حطه بقبضة دريقه

القصيدة للامير / عبد العزيز بن سعود بن محمد ال سعود ( السامر )