قالولي قلته قلت اكيد انا قلت = عوايدي يومن تاتي و تجفي بي
قالولي طلته قلت حرام ماطلته =ماني من اهل البوق وهذي عذاريبي
حتى القدم لوزل بي حال عدلته =اعرف احقوق الناس واعرف مواجيبي
كم واحدن شكاني امره او سهلته =اقف معه في محنته دافعي طيبي
ياطير يلي ناعم الريش سبلته =ماشفتلي ياطير نزل المواهيبي
شرقت في مرباعهم ثم قبلته =عليه يعوي صافر البوم والذيبي
سواد رمش العين بالدمع كحلته =ابكي على حمّايت الفطر الشيبي
وانا اصغير نزلهم شامخن جلته =اهل السيوف الحدب خشن المقاضيبي
ياسعود ياللي مجد الاجداد سجلته =عينتهم ياسعود ستر الرعابيبي
الليث يشهد للمواهيب لو سلته =امطوعين الترك حمر الجلاليبي
ياعيد لبّاس القصب يوم دللته =صكت عليه الخيل مثل اليعاسيبي
تبي تطول الراس ياعيد ماطلته =عداك من ضرب القنى شمّخ النيبي
وان سلتني ياعيد اكيد انا قلته =عوايدي يومن تاتي او تجفي بي