من طول الغيبات جاب الغنايم

اخواني اعود أليكم بهذه القصيده القديمه واتمنى ان تحوز على رضاكم
.
.

من

طــول

الـغــيـبات

جـــاب الغــنايــم

رجعت وغيابك على صاحبك طال=ومن طول الغيبات جاب الغنايم
كنت انتظرك وشرهة القلب تجتال= مابين عهد(ن) فات وهروج لايم
بين الغلا اللي مانقص منه مثقال = وبين العتاب وناقلين النمايم
رجعت والفرحه بالاعماق تختال = واصحيت حظ(ن) كان بالأمس نايم
يامرحبا بك عد ماصاحبك قال= فيك القصيد وعد ورق الحمايم
واعداد مايطري خيالك على البال = واعداد ماادمح من جنابك ظلايم
واعداد ماجالك من الود مرسال = واعداد ماصديت للهجر دايم
واعداد ماجاني من الوقت غربال = واعداد حرف(ن) عن نبا البوح صايم
فرحه00 ودمعه00 قطعت قلبي اوصال= متناقضات(ن) في خفوقي توايم
ياصاحبي مايرتوي طارد اللال = اللي يطارد في عيونه غمايم

وسلامتكم