الحكايا (موسى الحمراني)
بخّري عمرك حزن ،،، وكحّلي عيونك هموم
وأحرقي افراح عمرك ،،، جمرها لاينطفا
لاتطفّي نار جمرك ،،، عطركي لازم يدوم
ولا يجف الكحل من عيناً تنادي للجفا
سولفي جروحك حكايا وأسرديها للعموم
اسهري آهات عمرك ،،، أيقظي جرحاً غفا
لاينام الجرح لحظه لاتنادينه ينوم
خلّه يسهر في عيونك ،،، يسكنك حب ووفا
ماسمعتي نوح جرحي يوم ناداكي محروم !!
ماسمعتيه بغيابك يوم يصرخ لك كفا ؟؟؟
في حياتي كنتي كوم وكل خلق الله كوم
مادرينا في حضورك منهو جا منهو اختفا !!
مادريتي في حياتك غير وجه مايدوم !!
مادريتي كل جرحا سبّبّه هجرك شفا !!
ارحلي ماعاد لك في دنيتي ايّه لزوم!!
احضني دنيا التعاسه ،،،ودّعي يوم الصفا
واقبلي مني الحكايا واسرديها للعموم
قولي ذنبي اني تركته يومه بقلبه لفا
وبخرّي كل الاماكن عطّريها بالهموم !!
واحرقي الافراح جمرًا نارها لاينطفا !!
رد مع اقتباس
.gif)
المفضلات