الصديق الكهكهاني

.

بسم الله الرحمن الرحيــم
.

.
أعتذر عن الغياب / قصيدة عمرها 10 سنوات
.
( الصديق الكهكهاني )
.

صدّ من حاله وجاني = من بعد مآنا سليته
يحلف إنه مانساني = ليته يستغفر يا ليته
آنا ماني الأوّلاني = عفت , والماضي رميته
أدري إنه حب ثاني = وشمت عنه ولا رجيته
عزّتي تغلب حناني = وراس مال ( الحر ) صيته
مابقى وسط المحاني = غير ماضيه وطويته
والصديق اللي قراني = لو كتبته ما قريته
بالوفا لونه شراني = بعت روحي وإشتريته
لكن أعطاني زماني = درس عمري مانسيته
قاله فلان الفلاني = بالكلام اللي وعيته
لي صديق ٍ كهكهاني = وآنا مثله كهكهيته
إن طلبته ماعطاني = وإن طلبني ماعطيته

.
أخوكـــم : عبدالله بن محمود المعيقلي

.

أبولمار


صح إلسانك


نص رائع بأسلوب ساخر


وهذه دائم ضحكة السن : ( إن طلبته ماعطاني :.:وإن طلبني ماعطيته )




محبتي لك

سلطان القنيدي

سلطاااااان القنيدي
حياك وبياك يابن العم
مرورك يسعدني ويشرفني
بارك الله فيك.

يُنصر دينك



وينه بدري يابولمار

.

أهلاً أبا حمدان و مرحباً
ينصر دينك ...
جمله تذكَرني بــ غالي
... أنا مدين لك يابو حمدان
أشكر مرورك.

دعوة للمتعة
.

ما شاء الله

إن من البيان لسحراً

،

اشغلتني الجامعة عن هذه الرائعة

،
لله درك