حبل الوفا

الملف الشخصي · 08-03-2007, 01:08 AM

إلى رمز الوفاء ...عبدالله مناحي منقرة ..وإلى كل صديق مخلص

الصاحب اللي ما التفت يوم أناديه = لومه عليّه كان طاح ولقاني
مادام حالت دون وجهه علابيه = جعل العوَض باللي وقف واحتراني
العام أصدق بالوعد والمشاريه = واليوم لا والله فطنت لزماني
سولفت مع ليل التجارب وساريه = وأيقنت مالي غير صهوة حصاني
ترى الرجل لاعز نفسه تمَضيه = يرحل وينزل نايفات المباني
وإن ذل نفسه ما تفيده هقاويه = علمه يصير بساعته علم ثاني
خرجه مع الأيام تبلى عراويه = يشره على ما به اسباع وحصاني
لاشك من باب الوفا قبل ما اتيه = أنا أشهد إن اللي حرمني عطاني
لي هقوةٍ باللي عن الوقت حاسيه = اللي ذخرته بين هدف المحاني
واللي إلى أني صرت باطرف نواحيه = آقف وأقول إني عزيز بمكاني
هذا وزين الروح ما ارخص لشاريه = يقصر عن الطيب رخيص المعاني
حبل الوفا لأجله نمده ونثنيه = والعمر ميزانه يعد الثواني

إبراهيم التلفيه البلوي