المعذره

البعد افضل من مخاوى كثيرين=ترتاح منهم والنشاما كثيره
هذا ظهري والتجارب عناوين=خبرة ليالي في حياتي مسيره
أقولها وأقول من دافع الشٍين=كلمة مجرب للسنين المريره
المعذره با سرد من الشعر بيتين=فيها المعاني للعقول الكبيره
واعرف مكاني بين هذا وبعدين=ابيع واشري طايله والقصيره
ياشينها لااصبحت بين الخيارين=اما تجيب الحق والامعيره
المشكله بانت حلول وبراهين=اطوي عليها سد قد السريره
شفت الخباثه في عيون الملاعين= أدركتها والعلم حاضر شطيره
شفت الموده في قلوب المسمين=اهل الوفاء والجود اهل البصيره
من غرته دنياه راحت ملا يين=المال يفنى والكرامه ذخيره
ناس(ن) مكاسبها على الغش والبين= تأكل من الزقوم حبة شعيره

نعم 0 المال يفنا والكرامه ذخيره تسلم ياخي محمد ظاهر

قصيد ه جزله من شاعر جزل و من هنا ابعث لك السلام ولاحترام

ذكرتني بقول الشاعر |

اصون عرضي بمالي لا ادنسه 00 لابارك الله بعد العرض بالمالي

ياشينها لا أصبحت بين الخيارين اما تجيب الحق ولا معيرة
الشاعر الكبير محمد الميهوبي

بيض الله وجهك على هذه القصيدة

وما أقدر أقول غير يعطيك الله العافية والى الامام

شعرنا الكبير والإعلامي المعروف محمد الميهوبي
قصيدة تحمل بين طياتها حكمة عملاق عاصر وجرب
وجسد لغيره تجربة يستفيد منها العقلاء
اسمح لي أن اسجل لشخصكم اعجابي
بجزالت نظمكم الذي ثمنه
الشعراء واستمتع به القراء
وافر شكري وتقديري لكم0

__________________

أحسنت:.البعد أفضل والنشاما كثيرين

شاعرنا الكبير المتألق دائماً والاعلامي البارز...........


محمد بن ظاهر....... سلمت وصح لسانك دائما قصائدك جزله