المصــيـــبه اكـبــر مـن / الــوزن / والقـافـيه / يا.. ( احــمـــد حـمـاد ) .

اخوي عايد هذي اخر قصيدةى بكتبها هنيا وبعدها احذف حتى اسمي اذا كانت محاولتي ذي الاخيره مكسور .... وبعد بترك الشعر كله او عدك.....ابي بس اعرف انا انفع او لا...كشاعر
ولا بغيت انشر هالقصيدة بالقسم المخصص لها.. الا بعد ما تقول صالحه...واعتذر من اصحاب هالقسم ما لقيت قسم ينفع الا هالقسم....
وبعدها ارجوا مسح حذف عضويتي..... الاني داخل من اجل الشعر ومحسوب شاعر ولكن بعد تبيان الامر ......مابه مقعاد...
ارجوا ان تطلعوا الاخ عايد على هذا الموضوع عاجلا ..لاهنتوا

قالـت : صغـيـر ويـنـك وويــن الاشـعـار=تــوّك ولــد عــودك مــن الـشـعـر ذايـــب
قلـت العفـو : شوفـي قصـيـدي بالانـظـار=تلـقـيـن فـــي شـعــري كـثـيـر الـغـرايــب
قطفـت مـن روض الشعـر حلـو الاثـمـار=جــهــدٍ طـبـيـعــي مـايـسـمــى عـجــايــب
احـفــظ بـحــورٍ مـنـهـا الالـبــاب تـحـتـار=واكـتـب عـلــى كـــل الـبـحـور الصـعـايـب
صـار اتكـوّن حـولـي احــزاب وانـصـار=وانـــا صـغـيـر الـســن مـانــي بـشـايــب
يا ( بنت )فرق الشعـر مـا هـو بالاعمـار=الـمـعـرفــه بــيـــن الـخــلايــق وهــايـــب
شعـري جـزل غصـبٍ علـى كــل غـيّـار=الـلــي مـــن الـغـيـره يــشــب الـحـرايــب
مــادام شـعـري صـــح يُـبـنـى بـالافـكـار=واكـتـب شـعـر مــوزون يـلـهـب لـهـايـب
تطـرب لهـا الاسمـاع فـي ســر وجـهـار=وتثـنـي علـيـه الـنـاس حـاضـر وغـايــب
يــامــا التـمـسـنـا للـحـواسـيـد الاعـــــذار=وقـلــنــا نـعـامـلـهـم تــعــامــل حــبــايــب
لاشـــك زاد الـكـيـل مـــن كـــل ثــرثــار=ومـجـبـور اقـــول الـحــق مـانــي بـهـايــب
حَطـو علـى السـاحـه سيـاجـات واســوار=مــابــاقـــي الاّ يــمــنــعــون الــهــبــايــب
عـن غيرهم..وامـسـوا دخاخـيـن وغـبـار=دخــــان وغــبــارٍ يـحـجــب الـسـحـايــب
وان مـا بغـوا كثـر الخسايـر والاضـرار=يـســلــمــون الاســلــحـــه والــحــقــايــب
هــذا تــراه اخــر رجــاء واخـــر انـــذار=ولاّ ( الكـتـايـب ) تـلـتـحـم ( بالـكـتـايـب)
عنـدي شراسـة ذيـب فــي كــل مضـمـار=ولـحـون ابـــن لـعـبـون فـــوق الـركـايـب
وصبرٍ مثل صبـر المهـادي علـى الجـار=لاشــك صـبـري فـــي جـمـيـع الـنـوايـب
والـلـي يـقـول انــي صـغـيـرٍ بـالاشـعـار=لا قال: ( تايب ) قلت: انـا عنـك ( تايـب)

الشاعر: احمد حماد البلوي

الأخ / الشاعر عايد

مع التحية و التقدير ،،

اخوي

الشاعر : احمد حماد البلوي


بهذه القصيده .. بدون تطلبني

اقسم لك بالله انها رائعه رائعه ( غصبٍ عني )

وحقيقه احترت بين ابياتها الجزله
عندما غيرت العنوان من ( طلب للأخ : عايد السميري )
الى
( هذا تراه اخر رجاء واخر انذار
................... ولاّ ( الكتايـب ) تلتحـم ( بالكتايـب)

ولا ابالغ اذا قلت
كل بيت اجمل من الثاني بهذه القصيده
وانا كل اجتهاداتي ابي مثل هذه الابيات بصفحات منتدانا العزيز على قلوبنا
واسمح لي اقول لك والله انني اشك بأنك وضعت لعايد اختبار
ولكن الحمد لله

واذا استمريت بمثل هذه القصيده انا الذي سوف اعرض عليك قصائدي في مابعد قبل ان انزلها بهذا المنتدى
وبعلمك / عايد .. بدري عليه يصل لمستوى النقد ... ولكن الوزن اعتقد مايخفى على كل متذوق للشعر .
هذا والف الف
صح لسانك ياغالي


* عايد السميري

عندي شراسة ذيب في كـل مضمـار

ولحون ابـن لعبـون فـوق الركايـب

وصبرٍ مثل صبر المهادي على الجـار

لاشك صبـري فـي جميـع النوايـب

احمد حماد البلوي

صح الله لسانك وسلمت يالذيب

وبصراحه قصيده تستحق الاشاده

تقبل مروري

وتحياتي

الشاعر احمد حماد البلـــــــــــــــــــــــــــوي
تحيه لك خاصه
صح لسانك يامتوهج هنا حضرت للترحيب بك والاعجاب بهذه القصيده الجميله جدا والتي تخفي وراءها شاعر متمكن00 ويمكن ماقاله اخونا عايد صحيح انك وضعت الاولات فخ
المهم واصل مشوارك وتسلم على هالابداع المتوهج ونحن بانتظار كل جديد يااحمد 00 اتمنى لك من كل قلبي السير بخطاء ثابته والتوفيق انشاء الله حليفك بكل شي00 ولك مودتي

الحمد الله على كل حاااااااال.... يوم شفته هالقصيدة بالقسم الشعر انشرح صدري....
اولا انا ما كنت اختبرك لكن كانت من قصائدي القدائم الي اول ما كتبت.... والظاهر اكل وشرب عليها الوزن وغيره.... وانا يا غافين لكم الله...
اخوي عايد السميري الف شكر لك انت خاصه لأنك الوحيد الي وقفلي عثرة وحاجز لكن للحق وللصواب وللتوجه لدرب واضح وخطى... ثابته.... واساس...سليم... ولا جملت مثل البعض...
لك الشكر بعد الله.. وصح لسانك وكلامك اسعدني جدا...وشل الهم عني....بعد ما برك بركابه...
انا يكفني كلامك واشادتك.....ذي وانا اشوف اختباري لقصايدي القديمه فاشل ولكن ما صار صار...
وزين سمعت منك كلمه (((صح لسانك)) من قلب.. وحيا الله اصلك ومنشأك يالقرم...
وانت ركن للشعر... ومدرسه نتعلم منها...
والكلام كثير داخلي لكن..مابي اطول...
تقبل خالص تقديري واحترامي.....اخوي عايد