خلف بن هذال((اخذت من روحي لروحي نصايح))

أخذت من روحي لروحي نصايـح=ثلاث يرضن النفـوس الضياقـي
جمع الحطـب ومعلقـات الذبايح=وحذف النشاما للغتـر والطواقـي
بقفرٍ خلا عشبه بالأزهـار فايـح=غصن الخزاما له بالآخر مراقـي
تلقى أم سالم بـه تجـر النوايـح=يطيب مع طير الربيـع التلاقـي
بين أربعة جدران مانيـب طايـح=قطع الخرايم جبّرت عظـم ساقـي
في نون عيني بارق الوسم لايـح=كن السحاب تسل فيهـا السناقـي
إن عوّدوا غـب المطـر للفلايـح=مانيـب فـلاحٍ يعـدّل سـواقـي
عـوّدت للـي يكسبـن المـدايـح=فيهن طرب قلبـي ولـذة مذاقـي
سود البكـار المكرمـات المنايـح=هاذي ضوت خلفة والأخرى ملاقي
ملحاً تباهـت بالصميـل يتمايـح=تركي على كبد الحسـود العراقـي
خلوني أقضي باقي العمـر سايـح=مـادام للعمـر المطـرّف بواقـي
أمشي تحت غر المزون الروايـح=هذا هـواي ورغبتـي واشتياقـي
يرتاح بالي يـوم أودّه وأصايـح=وأبسط فراشي في مبـارك نياقـي
أنحاش عن ناسٍ تسوي الفضايـح=عاشت بسوء أخلاق كذب ونفاقـي
نـاسٍ تسـرّد للمشاكـل شرايـح=تثير من بيـن الأخـوان الشقاقـي
كل الحياة أحـلام والعمـر رايـح=طرقي بها الدنيا وغيري طراقـي

الالـبـــــــــــد ..

سلم بوحك وسلمت اناملك على هــذهـ القصيدهـ الرائعه ..

أطيب الـمُُــنـــى ،،

سلمان الـعــــــــرادي

سلمان العرادي

اشكرك على مرورك ومتابعتك

دمت بخير

ابو فهـــــــــــد

سلمت يمينك.. وذوقكــ

ولك خالص الشكر على هيك قصايد

ولك مودتي

محمود

محمود الجذلي

الله يسلمك من كل شر

اشكرك على مرورك

دمت بخير