باقة حزن

باقة حزن

لْيا .. ناموا السالين واضفى جهـام الليـل

لفى ضيفي اللـي مايسيّـر علـى غيـري

هداياه باقـة حـزن .. والحـزن آه وُيـل

مآسي وعنْها عاجـز الوصـف تعبيـري

لْيا اصبحت واحداثي شهد فعلهـا المنديـل

اخفـي عـن عيـون المخاليـق تأثيـري

اجامل واميّـز واخـذ العـدل قبـل الميـل

رجح كف ربحـي ماحسبـت المخاسيـري

ادور رضا .. وادمح خطا .. بالصدر ماشيل

على الصبر واخشى بالمواجيب تقصيـري

انا في دهر لولاح برقـي وفـاض السيـل

بلا قلبـي مْهيمـن علـى كـل تفكيـري

تموت الأماني وتحيـا .. والنتايـج حيـل

سراب الأمـل رحلـة هدامـي وتعميـري

مُعاناتـي الفرقـا .. ولا قلتهـا تمثـيـل

حلالاه واصّفْق كـف فـي كـف ياطيـري

ماهو طير كومة ريش ينقل طلـوع سهيـل

على الدس وتحوفـه يديـن الصقاقيـري

ولا اخفيـت هداتـه علـى مـدة الدربيـل

ولا ضاع واخلفّتـهْ هبـوب المعاصيـري

صدوده كسر .. والكسر معروف هدة حيـل

الا وَكبـر كسـري وياعسـر تجبـيـري

ليا .. حل فيني عشت ذكراه فـي تعزيـل

عن العالم المألوف .. واعلنـت تهجيـري

ولو عاشوا .. النسيان غيري على ماقيـل

على نعمتـه غيـري ولاصـار تغييـري

يعيطك العافيـهـ

ما شاء الله عليك يا بلال ..واشكرك على القصيدة ولك تحياتي

يعيطك العافيـهـ

الله يعافيك اخوي سلمان

الف شكر لك على المرور

تحياتي لك

ما شاء الله عليك يا بلال ..واشكرك على القصيدة ولك تحياتي

العفو اخوي ماجد ويعطيك العافية على مرورك الكريم واللي شرفني

الف شكر لك تقبل تحياتي دمت بود

صح اللسانك