فراس قوم

هذه القصيده موجهه للاخ/ فايز بن صالح الوابصي
رجل له مواقف كثيره معي والقصيد لايرد الجميل,,لكن اذا ماكتب القصيد في هذا الرجل فلمن نكتب القصيد,,
ونعم فيه وفي بلي عامه

يالله انا طالبك عدل وحكمه
وحكمة يارب في عزة الدين
الدين وده له رجال تخدمه
ورفقة على الدين تخدمك وتعين
اللي يسدوا لامشوا بالمهمه
اللي على صنع الجمايل حريصين
لاصار بالدنيا ملفات وازمه
لي صاحب من روس قوم عريبين
فايز ولد صالح ليا صار عسمه
له ماقف ماياقفوه الكثيرين
الله يقوي دب الايام عزمه
ويكفيه ربي من عيون الحسودين
الصاحب الطيب من الرب قسمه
وانشهد انه بالصعيبات شاهين
لاغابت نجوم السما بان نجمه
كاالحر لاطالت مشاويره يزين
وربعه لهم بين الرجاجيل بصمه
لهم بتاريخ البطوله عناوين
يامرحبا واهلين والكل بسمه
على وابصه واخص منها القرافين
اللي لهم عند الاجاويد حشمه
اصغارهم ورجالهم والمسنين
رديهم بالطيب محد يهزمه
معشي ضيفه ولو كان بالدين
ومحمد رويعي فعايله دسمه
وابوه واخوانه علينا عزيزين
ياالله عسانا دايما مانعدمه
دايم لضيفان الخلا مستعدين
لاجا نهار فيه لجه وعتمه
حريبهم يسقوه سم الثعابين
كل ويعرف باللوازيم قسمه
فراس قوم في عجاج الميادين
ارحامنا واحنا الرحم مانهدمه
ماينهدم بيت تسيس من سنين
واخر كلامي اطلب الرب رحمه
انه يبدل عسر الايام باللين
اللي خلق بالكون نور وضلمه
اللي قسم بأمره البدر قسمين
وصلاة ربي كل ماقيل كلمه
على النبي واعداد ورد البساتين

نايف مقبول العمراني و فايز بن صالح الوابصي

والنعم فيكم جميعاً


وصح لسانك وبيض الله وجهك

ودي وتقديري للجميع

ماعليك زود يالعمراني وفايز وربعه القرافين يستاهلون المدح وطيبهم معروف يوم
العشاء غالي ولا تهون وابصه جميع والله يحب الثناء على من يستحق الثناء وحياك
الله بين ربعك واخوانك..

نايف مقبول العمراني و فايز بن صالح الوابصي

والنعم فيكم جميعاً

وصح لسانك وبيض الله وجهك

ودي وتقديري للجميع

سعود السحيمي/

صع بدنك ولا عليك زود

اشكرك على مرورك الجميل
وتعليقك الاجمل
والمبادره

{تحيتي وتقديري}

لاغابت نجوم السما بان نجمه
كاالحر لاطالت مشاويره يزين
وربعه لهم بين الرجاجيل بصمه
لهم بتاريخ البطوله عناوين




ما عليكم زود يا نايف والله لا يهينك عز الله وفيت



وانت والممدوح رجال ما هو غريب الطيب فيكم وعليكم



صح لسانك


تحياتي لكم وتقديري

لاغابت نجوم السما بان نجمه
كاالحر لاطالت مشاويره يزين
وربعه لهم بين الرجاجيل بصمه
لهم بتاريخ البطوله عناوين




ما عليكم زود يا نايف والله لا يهينك عز الله وفيت



وانت والممدوح رجال ما هو غريب الطيب فيكم وعليكم



صح لسانك


تحياتي لكم وتقديري

محمد القويعاني/

صح بدنك ولا هنت
شاكر لك مرورك الجميل
وتعليقك الاجمل


{تقبل خالص ودي وتقديري}