الناس ما خلقت على عقل رجال

هذه القصيده

ذكرت فيها مدى اختلاف عقول الناس وان الله لم يخلق البشر
على عقل رجل واحد
.........

الناس ماخلقت على عقل رجال = كلٍ عطاه الله عقله لحاله

مفرقات عقول شياب وعيال = فرقهن الخالق عزيز الجلاله

ماني مسمي ناس والفعل دلاَل = كلٍ مضت له تجربه مع ارجاله

اهل العقول الراسيه كنها جبال = شبوا وشابوا مشيهم في عداله

فيهم رجل مهمته غير مرسال = وده يسوي فالحليله جماله

وفيهم هواية مقصده جمعه المال = وابليس في صدره ينادي عياله

الناس فيهم فرق رجلي وخيال = والطيب ماكل الاوادم تناله

وكلٍ معه لولا على قول من قال = والكامل الله والرجل له كماله

وفيهم كريم وللثقيلات شيال = وعن الرجوله ما تغره جهاله

بيت ابتنى ومدرك اوتاد وحبال = يدفي عن الصقعه ويضلك ضلاله

اللي مصافاته معزه وراس مال = امسك عليه ولا تدور بداله

واللي يروغ عنك من جال في جال = لا تـتــليه تلاوتك له عواله

ولا تقتنع فالقول من كل الاشكال = التجربه تعطي بن آدم دلاله

والخاتمه يالله في زين الاعمال = يوم الرجل يُسأل وش اللي صفا له

وصلاة ربي عد ماهل هلال = وعلى الرسول اللي بعث في الرساله

..............
الشاعر / راشد بن حمد قرفان

صح لسانك يالجزل على هالقصيدة الجزله


أطربت ناظرنا ومسامعنا بقرائتها


أطيب المُــنــى ،،

سلمان العرادي

:
:

الشآعر الجزل : راشد بن حمد قرفان

صح الله لسآنك وطيب فآلك على هالأبيآت الجزله

النابضه بالحكمه والنابعه من تجربه

شآعر جزل وأكثر

نورت القسم بوجودك و نتطلع إلى القادم بكل شغف

العم راشد
بيض الله وجهك على هلقصيده
تقبل مرورى

يعطيك الف عافية على روعة الشعر

صح لسانك

دمت بحفظ الله

ماني مسمي ناس والفعل دلاَل = كلٍ مضت له تجربه مع ارجاله

اهل العقول الراسيه كنها جبال = شبوا وشابوا مشيهم في عداله

,,,,,,,,,,
عمي الغالي ابوحمد صح لسانك
ويعطيك العافيه على القصيده الجزله
وماهي غريبه عليك