وقفه على طلل

وحين يكون الشعر في العصور السالفة اكثر جزالة بمعناه .. وابلغ في الفاظه وتراكيبه .. كانت هذه القصيده التي استوحيتُها من تلك العصور ..


وقفه على طلل

يادار ما اقشر شوفتك عقب الاصحاب = شدو وما كن الحبايب مشو فيك
يادار وين ديار خلي والاحباب =ومنين قفّو لجل قلبي مجافيك
يادار ما طاب الكرى لي ما طاب = نوح الحمام يذكر القلب ماضيك
جيتك على وضحى من الجيش ركّاب = ذلولي اللي كلهم طامع ٍ فيك
جتنا جديده من حديثات الاغراب = جتنا جديده زاملينه على ذيك
جيتك وقلبي فيه حب ٍ ومنصاب = يوم انك انتي مخضرات ٍ لياليك
لكن يادار العزيزين الاقراب = ودعتك الله ياعسى المزن يسقيك

وسلامة الجميع
حمدان عبدالرحمن الفريعي

الشاعر المبدع

حمدان عبدالرحمن الفريعي


وقصيده تترك علامات الأستفهام على عروش الأطلال
و تتحلى بالأصاله
وتمتزج بأنين العاشقين
وهمسات المحبين
وتعزف
على أوتار الألم
و
ايقاعات جروح الذكريات
تشرفت بمصافحتها وسجلت اعجابي
ومن حسن حضي كان حضوري الأول


الف صح لسانك وسلم بنانك ودمت بخير

...

ملاحظه : اخي الغالي فضلاً لا أمراً استخدم منسق الشعر بوضع افضل ويمكنك الأطلاع اعلا الصفحه وسوف تجد موضوع مثبت يفيدك بذلك
تأكد انني انتظر ابداعاتك بلهفه
وياهلا

يادار ما اقشر شوفتك عقب الاصحاب=شدو وما كن الحبايـب مشـو فيـك
يادار ويـن ديـار خلـي والاحبـاب=ومنين قفّـو لجـل قلبـي مجافيـك

الشاعر المبدع
حمدان عبدالرحمن الفريعي

قصيده في غاية الروعه والجمال


صح لسانك وسلم بنانك اي العذب


سجل اعجابي بما تكتب

دمت بخير

راع الركايب

انت راعيها وراع الكلمات الرائعه والابداع

لكـن يـادار العزيزيـن الاقــراب=ودعتك الله ياعسى المـزن يسقيـك

صح لسانك ياراعي الركايب والله يعطيك الف عافية

صح لسان حمدان عبدالرحمن الفريعي

وتسلم يدينك على النقل

تحياتي

ياحمدان هيضتنا على ديرتنا
صح لسانك يالفريعي