عالم غجر

الملف الشخصي · 05-17-2006, 01:52 AM

عوده للإبداع مع قصيدة عالم غجر للشاعر
عبدالله محمود البلوي
واللتي كتبها في عام 1419هـ

عالم غجر
وش يقول اللي تعذب فالحياة = شاف بالدنيا متاهات وقهر
في وفاة أبوه مولانا بلاه = والعزا أن الموت من حكم القدر
وأقتنع باللي كتب ربي وقضاه = وقدرة الله مالها غير الصبر
ضاق من وقته وعانا من قساه = حاول الكتمان لكن ماقدر
شال هم أيتام تبكي من وراه = لين قلبه من عنى الوقت أنصهر
وقته المشؤم بالحنظل سقاه = الثواني يوم والساعه شهر
في زمن مابان جودة من رداه = في زمن فيه المصايب والغدر
مالقى له واحدٍ يوقف معاه = لازبن رجال في وجهه كشر
وأقرب أصحابه سلا عنه ونساه = هو حزين وطب في "عالم غجر"
حظه الأقشر مع الحيره رماه = وآعذابه راحت سنينه هدر
باع همّه للقصايد وأشتراه = لو كلامه غير صالح للنشر
ينثر الآهات ياضيعة عناه = يطلب الما طاح في وسط الجمر
صام بالدمعه وعيد في شقاه = مظلمه دنياه مافيها قمر
لو ينادي ماحدٍ يسمع نداه = اليتيم الناس تعطيه الظهر
كم طويلا ً من عنى وقته بداه = يذرف الدمعات من فوق الصخر
وكم تذكر مامضى له في صباه = وكم تعذب من مطبات العمر
لو كتب مستقبله عاد ومحاه = يعرف أن مستقبله علقم ومر
سارت الدنيا بعكس اللي هقاه =جابته دنياه مع درب الخطر
مقصدة رجال يلقى به عزاه = لأنتخا به ساعة الشدة حضر
يوقف بصفه صباحه مع مساه = عن صواديف الزمن يبقى ستر
ذا كلامه , وإن سأل رجلا ً قراه = منهو اللي دنيته ظلم وكدر؟؟
قولوا اللي يبكي الوقت وجفاه = والعزيز اللي دموعه تنتثر
ذاك أبن محمود عبدالله أساه = لو على " رضوى" تمايل وأنكسر
ولو وطا رجال مثل اللي وطاه = أعتقد من ساعته قام أنتحر

عبدالله محمود المعيقلي البلوي

الملف الشخصي · 05-17-2006, 11:02 AM

الله الله
عليك يارضا
ابداااااااااااااااااع
قصيدة اكثر من رائعة
منك ومن العررررريس
ابومحمود
صح لسانك ولسان العريس

الملف الشخصي · 05-17-2006, 02:51 PM

المشاركة الأصلية كتبت بواسطة ياسر حمدان البلوي

الله الله

عليك يارضا
ابداااااااااااااااااع
قصيدة اكثر من رائعة
منك ومن العررررريس
ابومحمود

صح لسانك ولسان العريس

أبو حمدان ...
صح بدنك يالغلا ... والإبداع مرورك الطيب
تقبل تحياتي

الملف الشخصي · 05-17-2006, 10:45 PM

رضا

صباحك ورد

القصائد المنقولة للشعراء من من خارج المنتدى

وأبو محمود منا ويملك ديوان هنا

ولا ننتظر إلا تسجيله الرسمي

الذي ( طااااااااال )

هذا المكان الطبيعي

للمتسلطن

ولي عودة لجنون القصيدة

تحياتي لك
.