ياعارض الخدمه على صاحب الذوق"قصيده موجهه لصالح مرزوق السرحاني

موجهه لصالح مرزوق السرحاني من اخوك ابو وليد

ياعارض الخدمه على صاحب الذوق=مالي غنى عنها ولاعنك مره
اتعيش ياصالح وبالقلب مرزوق= عساه للجنه وشخصك يبره
لك كلمتا" ماقالها كل مخلوق= بيني وبينك والشهود الأسره
ماهي سوالف فاضيه علم ماثوق = كلمة من الأعماق حلوه وحره
عندالردي والمبتدي مالها سوق= وعندي تفوق العمله المستمره
العام يوم ان المرض عاقني عوق = فوق السرير اللي عليه الأزره
الراس فيه اصداع والقلب محروق = والدم جاري والقدم مايمره
واحس في جسمي تناميل وفتوق = على فراش الموت يا دوب اجره
وعلى الرجال احقوق والطيب ملحوق = وحقك عليه والقريب ايتشره
طول الزمن يبقى على الراس من فوق = حتى يروح الراس هذا مقره
وهذا الزمن مابين لاحق وملحوق = على جميع الناس خيره وشره
والشكر للمعبود في كل منطوق = اعداد ماتسري انجوم المجره
وصلاة ربي خاتمة كل طاروق = على نبي الخير مليون مره

صصصصصصصصصصصصصصصح الله لسانكـ يابو وليد,,, ونعم المادح والممدوح

وألف لابأس عليكـ

اتعيش ياصالـح وبالقلـب مـرزوق

عسـاه للجنـه وشخـصـك يـبـره

ابو وليد

تستاهل الطيب عندما يقدم لك

رحم الله جدى/مرزوق

البيت هذا يابو وليد تستاهل منى قبله على راسك

رحم الله والدك وجعله الله فى الجنه

متعك الله باالصحه والعافيه

ودمت لنا سليم معافا من الامراض

وحفظك الله

تحياتى وسلامى

الكبير كبير ابو وليد
دمت بوووووووود

ياعـارض الخدمـه علـى صاحـب الـذوق


ابو وليد

لاهنت ونت صاحب الذوق كله

ولم نقدم لك شى يستاهل

وجعلك الله تتمتع بصحه وعافيه دائماً

ونتمني ان يكون خالص لوجه الله

صح كلك
وتسلم ودمت بود