^^^^^^ حنا بلي اهل الوفا والنواميس ^^^^^^

يا تل ياللي داعبنك نسانيس=متفضين وانا الفضا ما فضالي
امساهرن ضو النجوم الغواطيس=اسبر فضاهن رحلتي وارتحالي
اظم قلبي في ضلوعن مكاليس=ساعات احسه من جواذيه زالي
شحبان شحبت شاحبات العرانيس=وياما كفيت اهموم وياما انكفالي
وياما هوسنا للهوس والمهاويس=وياما ركينا للعلوم الجزالي
نهاري اغدي به اوليلي هواجيس=اسوات قافي لانبنى وابتنى لي
واذوب ذوب التلج خلف الكواليس=على لهيب الشوق ماحدن درى لي
يالله على الخفرات يالله على ابليس=مايسكنون الا اقلوب الرجالي
ويالله على حور العيون المناعيس=متهنيات ابنومهن والشقى لي
ان اقبلت جناتهن صعبت القيس=وان ادبرت شينات لو انت غالي
ياكاحلات الروج ريش المراويس=ياما عليكن الهوى سم حالي
وياما وصفت اهدابكن يالنواعيس=بابدع احروفن سطرتها الليالي
وياما جعلت الروس تدمع مناكيس=وياما رصعت صدوركن باللألي
وياما طويت قلوب طي القراطيس=وياما سقيتني سمن ازلالي
وياما جعلت الليل سحرن واحاسيس=وياما جعلت العود صداع عالي
وياما جعلت الغيد حردن مهاويس=متغيرات اللون فيهن اهبالي
وياما جعلت اردافهنه مقاويس=مترنحات ابلين شرق اوشمالي
وياما جعلت من الشفايا المخاريس=فوق المنابر مثل زيد الهلالي
انا اليني هيضتني هواجيس=ارسم بها رسم العجم للزوالي
لو جمعوا سادات لندن وباريس=ماركبوا حرفين من ما طرالي
لو ني دعيت الغرب جني مكابيس=ولو ني دعيت الشرق الشرق جالي
قادر على بعث الجروح المراميس=وابكي عيون اللي عن الحب سالي
واقدر اروض كاسبين النواميس=واقدر اخل الشمس بدرن اظلالي
ياما بشعري ابتهج قلب غطريس=وياما ثنيت الواحدن ما ثنالي
وياما العدامه خاطبتني مثل قيس=في مهمهن جاله الذيب خالي
ياما احرقت قلوب حرق المقابيس=وياما جعلت الغيد بين الدوالي
انا اللذي خاطبت روما واهل نيس=وانا اللذي قصر السمومل حكالي
ياما المشاقي والحطية ياما ميس=هلا شيهان النود هلا الشمالي
ابداعهم نبت النفل بالمطاعيس=متميزن معناه سلسن اوحالي
هذا غير اللي غردوا بالمتاريس=وان جنحوا بشرتهم بالزوالي
مير انتبه ثم انتبه يابن باديس=مشرافنا يامصعبه ياحلاالي
لا يلدغك من سم راسي دبابيس=ويحل بك غيض الاسود الجوالي
حنا بلي هيل الوفى والنواميس=قصر ازنودك كن تفهم مقالي
عاده لنا امن الليالي المراميس=لنا الشرف والطول اول اوتالي
فينا الاسود امحطمين الكراديس=من وادين بالعيص لاقصى الشمالي
وفينا الصحابه والشيوخ العراميس=ياشيننا ياقشرنا بالنزالي
ويازيننا ياطيبنا كنك اتقيس=سلمن لنا متبوع جدن اوخالي
مثل الذيابه ناعمات الملاميس=اومثل النماره ساكنات الجبالي
اليا هجتنا الخيل راحت مفاليس=ترجع اوفوقه كود سرج الدلالي
مير انقلع يابليس يابليس يابليس=ماعندنا ياكود علم الرجالي

****** شيهان النود ******

****** شيهان النود ******
ابداع يا غالي والله ابداع
حلو خطابك وحلو معانيك
وحلو طردك حتى لابليس
تحياتي بانتظار جديدك

شيـهــــــان النـــــــــــود ..

عندما ارى اسمك بين صفحات هذا المنتدى اعلم ان هناك ابداع واعلم ان هناك حروف عذبة كالنسمات متطايرة تعطر ارجاء هذا المنتدى ..

أطيب الـمُــنــى ،،

سلمان الـعــــــــرادي

السلام عليكم ورحمة الله وبركاته

الشاعر / غازي الميهوبي

سلمت لنا دائما بهذا التوهج

و شكرا لك لتواجدك و لا تحرمنا هذا التواجد

حنا بلي هيل الوفى وانواميس قصر الزنودك كان تفهم مقالي

شيهان النود هذا البيت قصيده بحد ذاته سلمت وسلمت يمينك

على قصيدتك الاكثر من رائعه

شيـهــــــان النـــــــــــود ..



تاهت حروفنا وسط هذا الموج الغامر من الرقة

والابداع,,,,جفت أقلامنا ,,,, بكلماتك التى

لامسة شغاف قلوبنا ,,,رائعة هي تلك

الابيات التى كتبتها

مهما قلت ومهما حاولت أن أعبر

سأظل مقصراً في حقك

وحق روعه حروفك

فحروف اللغه العربيه ثمانية وعشرون حرفاً

ومع ذلك ..

تعجز الحروف عن وصف مشاعري

عن وصف ماتستحقه احرفك من تعبير

كلمات في غاية الروعه والجمال

لك شكري وتقديري

محمود الجذلي