ابيات من ذهب

اضرب على الكايد إلى صرت بحلان = وعند الولي وصل الحبل وانقطاعه

عبيد الرشيد

منّولٍ يا ذيب تفرس بأياديك = واليوم جاء ذيبٍ عن الفرس عداك

بركات الشريف

أحدٍ على جاره بختري ونوار = واحدٍ على جاره صفاةٍ محيفه

مقحم النجدي

البارح الدنيا عليِّه فضاها = أضيق من الأبره على ناظم السلك

ذعار الفريدي

احدٍ يداور بالردى بنت عمه = واحدٍ يدور ستر عذرا عوانيه

بندر بن سرور

البدو غربال القلوب المشافيق = يا ما عديت بدربهم وافختوني

مرشد البذال

الزين ما يدقم شبات السناني = والشين ما يقصر يدينٍ يطولن

محمد بن سعود

حذراك خلان الرخا عدهم قوم = خلان من دامت نعيمه ودامي

محمد القاضي


الأيام هي الأيام ما زاد عدها = هذي لياليها وهذي شهورها

محمد العوني

البر دجته والبحر رحت يمّه = أدرج سبب حظٍ على الله مساعيه

بندر بن سرور

النفس طيرٍ والخطايا محابيل = والناس روّاي الحديث تحكي به

بندر بن سرور

المدح لو يشرى شريناه بأكياس = وبأموالنا نرخص ندور الستيره

دباس الدباس

الى اجتمع زينٍ وفعلٍ بياني = لذة نعيمٍ بالحشا لا توافنِّ

محمد بن سعود

الله اكبر يازماني وأنا وش بيدي = كل ما عدلت لي واحد يميل الثاني

فهد بورسلي

أرسلت لك ياعزوتي كم مرسول = وابطى جوابك ياحبيبي عليه

محمد السويلم

العي عي لين يبلشك وهو عي = فإلى بلش وابلشك كب المعايا

مناحي الهيضل

الحق ظلما والمصّقل دليله = ولا تنقضي حاجات من يتبع الهون

ظاهره الشراريه

الجمر يمسي كالخلاص اشتعاله = ويصبح رمادٍ خامدٍ طافيٍ بال

محمد القاضي

أن كان تنشد يالهويدي عن الطير = الطير والله يالهويدي غدالي

شالح بن هدلان

إن قلّت الوزنه وربعي مشافيح = أخلّي الوزنه لربعي واشومي

شليميح العطاوي

المال يحيي رجال لا حياة أبها = كالسيل يحيي الهشيم الدمدم البالي

بديوي الوقداني

الله نشد يا حمود عن معرفة يوم = وهذي ثمان أسنين يا حمود جيران

مفضي الحربي

أن جاد حظك باع لك واشترالك = فوايده من كل الأبواب تأتيك

محمد بن عون الشريف

الأجواد مثل البدر في ليلة الدجى = ولأنذال ظلما تايهٍ من سرابها

محمد المهادي

الحر ميقاعه بروس الشخانيب = ياللي عليك طيور ربعك تشابه

عبدا لله بن صقيه

البدو واللي بالقرى نازلينا = كلٍ عطاه الله من هبة الريح

بداح العنقري

امل الوجار وخلوا الباب مفتوح = خوف المسير يستحي ما ينادي

محمد بن شلاح

اللي يبينا عيّت النفس تبغاه = واللي نبي عجز البخت لا يجيبه

نوره الهوشان

أن مت في دافي حشاه ادفنوني = في مستكن الروح ما هوب برا

دخيل الله الدجيما

النوم رأس اللوم بان الردى به = عين تبا النوماس نومه شلافيح

مريبد العدواني

أن كان ما تاقف على العدَّ برشاك = ما كف غيرك والتقاطيش ترويك

سالم الحميد

الحنظله لو هي على شاطي النيل = زادت مرارتها القديمه مراره

عبدالله اللويحان

المرجله بنتٍ هنوفٍ ستيره = كلٍ يبيها مير من دونها كود

سليمان بن شريم

أن كان ما للفتى فعلٍ يماريبه = ما ينفعه قولة أبواني وجداني

عبدالله بن شيبان

برقٍ مصدٍ عنك لو كان به نور = بالك تخيله لو ربيعك شفاقه

الدقيس

ترى رزق غيري ياملا ما ينولني = ورزقي يجي لو كل حيّاً يحايله

حجرف الذويبي

ترى الهوى والغي هن شر الأشرار = ومن داس عار الناس داسوا لعاره

تركي بن حميد

ترى السوالف يا ذهاب الرجالي = تسمج أليا عرضت على غير أهلها

محمد بن مسعد القحطاني

تقولون دنيا علينا تغيرت = تغيرتم انتم ما عرفتوا غيورها

محمد العوني

حياةٍ بلا عزٍ محا الله حظها = حياة الفتى ما فاتها العز خايبه

راشد الخلاوي

خمسة عشر فنجال لجنيف صبيت = لو أن بطنه قربة ٍ قد ملاها

ناصر العبد الكريم

دنيا تفرق بين غالي وغالي = لو شفت منها ربح ترجع للافلاس

محمد الاحمد السديري

رفيقي اللي مصافيني على الشدُّه = وإلا الرخاء واجدٍ ربعي وصدقاني

سليمان بن شريم

شابت لحانا ما لحقنا هوانا = وعزّي لمن شابت لحاهم على ماش

فهد الخرينق

شبرٍ من البيداء يعوضك الافزاع = وسود الليالي يبعدنّك عن الضيم

سعدون العواجي

طرد الهوى ما فيه عيبٍ عليّه = أبا أتحلى بنت ماضين الأفعال

بخيت العطاوي

طول الجدار وقصرة الرِّجل نوماس = لا صار ما للرِّجل داعٍ دعاها

مبارك بن رمال الشمري

عيبٍ على اللي يتقي عقب ما بان = ويرضى طمأن النفس عقب ارتفاعه

عبيد الرشيد

عز الفتى رأس ماله من مكاسبها = يا مرتضي الهون لا عزٍ ولا مالي

بديوي الوقداني

فكرت والمكتوب ما فيه حيله = ليت الليالي علمتني بالأقدار

سليمان بن حاذور

قمت اتوجد وجد من مات غاليه = قبره قباله كل يومٍ يمره

بخوت المريه

قالوا عليلٍ ناقلٍ داه برداه = قلت آه باقرابي وروحي فديته

عبدالله بن سبيل

قصيرنا حشمته عندنا يوم = يزيد مع زايد سنينه وقاره

رميح الخشمي

قالوا تغزل قلت في شبة النار = اللي عليها حالقين الرجالي

محمد بن شلاح

كم واحدٍٍ له غايةٍ ما هرجها = يكنها لو هو للأدنين محتاج
---------
لاخاب ظني في الرفيق الموالي = مالي مشاريهٍ عاى نايد الناس

محمد الاحمد السديري

كل ما دقيت في ارضٍ وتد = من رداة الحظ وافتني حصاة

الله يحفظك و يعطيك العافية

قالوا عليلٍ ناقلٍ داه برداه = قلت آه باقرابي وروحي فديته

يعطيك الف عافيه ياأخوي مسند على هذه الدرر وهذه الروائع المختاره

والتي تنم عن ذوق وفكر الشاعر...