سوق الاسهم السعودي

هذه القصيده عن احمرار السوق خصوصا هذا اليوم الخميس
2/3/1427ه

قالوا السوق السعودي ياعيالي = عدة اسهم من شرابه هي غناته
بعت لجله بعت غالي من حلالي = ودنا مكسب سريع وهي حلاته
رحت يم البنك واعطيته ريالي = ماجمعته في سنيني قال هاته
واشترى منها السحيمي لاب غالي = بس لمسة زر يرسل من سماته
واثق الرجال في شرب الزلالي = بالقليل يقلع السوق بحصاته
حط سلك النت ربي وانت عالي = ترزق المسلم وتغفر سيئاته
خضر وحمر سهم ياهمالالي = وينكم ياعيال من ناخذ وصاته
قالوا اشتر بالجماعي والتوالي = يرفعنّه يالحبيب محفزاته
بعد قول ارسال هالبنك اشترالي = عدة اسهم بالجماعي ياطناته
قلبي اللي من هباله من هبالي = يبي مكسب من مضارب من لهاته
مايطلّع لوثلاث ريال قالي = هالخبل وده سهمنا ياعناته
مايذوق الربح مني لو عنالي = لين يرمي بالسهم عن مشتراته
ناقص ريالين يابعد المدالي = ثم بعنا ماصبرنا ياهناته
هالمضارب من تجارب راس مالي = ضيعه ربي حسيبه في سواته
واشترينا سهم ثاني بالعلالي = مارحمر بعد شروتنا ثقاته
مانفعونا بالنصايح ضاق بالي = ول يالتعمير خلانا شماته
ضاع فيه المال مرن بعد حالي = اشتكي لله محرمني سباته
ليلنا ليلين جوى القلب صالي = من هموم السوق كثرت مشكلاته
والاوامر ماتنفذ ماجرالي = من بنوك ومن تداول لين فاته
لين راح اللي جمعته بالخوالي = راح مصروف المدلل مع خواته
ليه يالجماز بالسوق اختلالي = الضعيّف حيلته جر احسراته
منهو المسئول قهري وانفعالي= من سكوتن عن مضارب واحركاته
الله اكبروالحرامي مايسالي = يوم مثلي يسلبه مطعم بناته
واليتامى والارامل قلب خالي = مارحمهم لو يطوّل في صلاته
ظلم تنزيل المؤشر وافتعالي = والا حنا بخير مانلملم فتاته
عيشنا طيب ولاجا باحتيالي = عهد وجه الخير ابو متعب صفاته
يده بيضاء للبعيد وللموالي = يبذل من الخير واحنا في رجاته
بعد رب الكون عن دنيا الزوالي = عن نوايب هالزمن يسلم شفاته
دام عزك دام ياصقر الرجالي = ياحبيب الشعب يفداك بحياته
ليه ياالجماز بالسوق اختلالي = والضعيّف حيلته جر احسراته
مار قالوا من قبل اغلى مثالي = يستحق البرد من ضيع عباته

	الله الله يابوعبدالباسط يسلم لسانك على هالقصيده الرائعة نتمنى منك المزيد من القصيد الرائع والرائع بوجودك ووجودنا في منتدى بلي تحياتي لكم