قصيدة مني الى الشاعر الكبير / خليوي الشنوطي

[IMG][/IMG]

صورة تذكارية مع الشاعر الكبير / خليوي الشنوطي اثناء زيارتي له في منزله
الله يطول بعمره ويمده بالصحه والعافية


بسم الاله الواحد المعبود .. رب العالمين
عالم دبيب النمل في ليله قلط .. ديجورها

ابدا قصيدي .. والقصايد تعتبر در ٍ ثمين
إليا وصلت ثم اعجبت من وصلته في دورها

سلام ياربع الكرم .. واهل الشجاعه من سنين
والجود وايضا الراي للي مآخذن .. في شورها

سلام ياقوم ٍ على كل اللوازم .. وآلمين
قوم ٍ إلا زان الهداد .. تنومسك بصقورها

اهل القصايد والكلام الي به المعنى سمين
يضيع ربان القصيد إليا خطر .. فبحورها

واخص ابو ناصر خليوي .. من ربوع ٍغانمين
الشاعر اللي له قصايد .. شعشعت في نورها

سلام ياقمة سنام الشعر في ماضي .. وحين
سلام وحروف القصايد .. عارفه دكتورها

سلام ٍ اكثر من نخيل المملكه شام ويمين
احلى من انواع الرطب وايضا كمان اتمورها

وايضا بعد ناصر عريب الجد والقاسي يلين
إليا صعبت .. حل الامور بدبرته وايدورها

مهندس الكلمه وإلا شال القصايد به تزين
وارث من ابوه الكرم .. مقعد يده بنحورها

شاعر ولد شاعر وله وقفه .. ورجال ٍ فطين
يقلط على الدسمه ولا يرضى ابد في سورها

قال الكلام الي لفى .. يم الرجال الطيبين
الشاعر الي مامدح .. إلا بعد مايزورها

شاف الذي شافه من الافعال والعلم الرزين
ترحيب واستقبال .. وعلوم ٍ تبث سرورها

واختم كلامي والقصيد بياعسى ربي يعين
ويجعل لنا الجنه مكان بزينها وب حورها


أسعد السحيمي

سلام ٍ اكثر من نخيل المملكه شمل ويمين
احلى من انواع الرطب وايضا كمان اتمورها

صح لسانك ويسلم فكرك وبيانك الشاعر الغالي اسعد السحيمي

تسلم على القصيدة الجميلة والرائعة في المدح والنظم

والنعم يالجميع وصح لسانك وبيض الله وجهك قصيده جزله ومعبره

ياهلا يا هلا ياهلا والله بالغالي وشاعرنا العذب أسعد السحيمي

وصح لسانك مليووووووووووووووووووون

ونعم والله بالمادح و الممدوح



إشتقنا لأسعد بكل تفاصيله

وأتمنى أن تكون دوماً بيننا في بيتك و بين إخوانك

تكفى تكفى تكفى غير مسموح لك الإبتعاد أبداً

والله لا يحرمنا من اللي مثلك و شرواك

ونعم فيكم جميعاً
صح فكرك وبيانك
الرائع والغالي الشاعر أسعد السحيمي
صدق من قال : إن من البيان لسحرا
ولا أروع

صح لسانك والله يعطيك العافية