مُــــــداعبات شعرية(3)

السلام عليكم جبت لكم اليوم هذة المداعبات اتمني ان تنال اعجابكم والي مداعبات اخرى

هايل السرحاني
جيتك وناكني على كف عفريت=عاقل تشده فكرة انتحاري
جالس ومن كثرالهواجيس فزيت =وضعت قواتي بحالة طواري
قبل اتهوروطفي الناربالزيت =قلت اعرض الموضوع على استشاري
ليت النخيل اللي على البير ياليت=اتخبراصحاب الطمع والطواري
عن قصة البستان والطي والبيت =والغرس والمسلاف وقت العصاري
ماكان ياهايل تعبت وتعنيت= مع العقول اللي هدفها تجاري
حسن السرحاني
يامرحبا بك يابو بندر الياجيت=ان جيتني جهام وان جيت ساري
منت بخاسر لاصبرت وتأنيت=حتى تشوف السيل فوق الكباري
وأنا معك بلي تبي لاتوريت=حسب ماقررته باصدرقراري
بالحق ياهايل لونك تماديت=ماحديلومك لو خذيته اجباري
أنا أعرف إنك ياأبيض الوجه عانيت=من البشر ومن البحر والصحاري
غيرك ماسوى ونت ياذيب سويت=غصباَعن السياف وابوالصواري

صالح السرحاني
تسلم يناك على النقل الرائع للمبدعين ابوبندر وابوزياد
لاهنت
.

ياصالح وفقت بهذه اقصيده اسال الله لك دوام التوفيق

محبك ابوسامي

صالح ..

سلمت يمينك على هذا الطرح .. الذي اسمتعت بة كثيراً ..

وصح لسانك ولسان الكبيرين ..هايل وحسن ,


.

لك كلي.

صالح السرحاني ،،

لاخلا ولا عدم لاتحافنا بهذهـ المداعبات الشعريه ..

سلمان العرادي

الشكر لمن قراء ورد ولمن قرا وستمتع وإلي اللقاء