الجريح و طلعة البر

السلام عليكم

يا إخوان وش رايكم باللزقة > طبعاً هذه مقدمة للموضوع .
( وش رايكم بالمقدمة بس )

المهم ، كنت في يوم الخميس الماضي مثل أكثر هالمسلمين صحيت الفجر > حاس التعبير حوس
صحيت الفجر و صليت و لله الحمد و بعد ما رجعت البيت و كنت مخطط على فوال القرموش ، الا وفجأة > ركزوا على فجأة لأنها متعوب عليها .

فجأة ( ن) < يقلد الشعراء ، لقيت حاجة تقول خروف أسود عند الباب .... يا ربي وش هالمصيبة هذي ... الا هذا الجريح بشحمه و دمه و لحمه و كوارعه و مصارينه مرتكي عللا عتبة الباب . طبعاً أنا سويت نفسي ما شفته و وطيت على شهمة كبده الا هالشي اللي يقول تحت آآآآآآآآآآآآآه و كبدي .. هنا سويت نفسه شفته و اقمز بعيد و اقول وش انت ، انت انس والا جن هاه .

الا الجريح يصرخ و يون و يقول أنا الجريح يا بدر .. كان انط و بحركه دبلكيكيه أشوته بذاك الشلوت .

قم يا يالمفسود إنت علامك وش جايبك على هالصبح ..

ما دريت الا هو يقول .. تذكر يا بدر قبل ثلاث شهور يوم إنك وعدتني و قلت لي أول خميس من شهر ربيع أول أطلعك قيييييييييله < إهب ما ينسى

قعدت أحك جبهتي هاااه متى قلته لك ..

قال الا تذكر و يطلع جواله هااللزقة و يوريني المقطع اللي مصوره لي و أنا أوعده بطلعه للبر .
المهم قلت أمري لله و اروح و اجهز عزبتي اللي هي عبارة عن براد و دله و قدر و الباقي على الجريح ..

و طول ما حنا في الطريق و هو ما غير يهيجن يالالالالالالا يا لالااه يالالالالالا يا لالااه
و يقصد هالقصيدة :
حبة حبيبي تقل تطلي .... و مبرد(ن) له اسبوعيني
و الخشم بالوجه منمطلي ... تقل مواطي بعاريني
.......
( وش ها الحبيبه هاذي شكلها اندونيسيه )

أخير وصلنا للمكان و مجرد ما وقف السيارة الا و هو يطبح و يسوي هالحركات اللي ما فهمتها الى الان الا إنه مبسوط شوفوا و احكموا على هالمطفوق

http://baderalblowi.googlepages.com/arrnab.3gp

يا ولد يالجريح يا شين انت علامك ...

و خوينا ما غير ينقز

و من أول ما وصل لي الا و هذاك الكف على علباته

طراااااااااااااااااااااااااخ

أي أي يا بدر علامك علي ..

علامي عليك فضحتنا قدام خلق الله > طبعا المكان ما فيه الا أنا و هو .

قم قم سوي لنا القهوة و الشاهي و ف يأثنا ما الجريح يسوي الشاهي و القهوة و عمكم بدر قاعد يتمخط و يطلق رجليه بالبر و ارجع و القى الجريح مسوي الدلة و البراد ..

صب لي فنجال و مامداني اشف منه شفه الا و الطعم اللي أول مره بحياتي اذوقه .

طرااااااااااااااااااااااااااخ < راح تسمعونها كثير

أح أح > الجريح يحك علباته

يا شين و هدم بيت عدوينك إنت وش مسوي لنا هذي قهوة و الا حبحر > طلع الأخ حاط بدل القهوة بهارات .

تدري صب شاهي صب شاهي أحرمتنا القهوة الله يحرمك النوم الليلة

و ما مداني اشف من كاسة الشاهي شفه الا واحس شي لزق بحلقي

و طرااااااااااااااااخ طاااااااااااااخ < ما فيه داعي أقول لكم وشو هذا

اححححححححححححححححح < كالعادة الجريح يحك علباته ..

يا مقطوع الطريا انت وش حاط بالشاهي .. طلع الأخ بدل ما يشتري سكر إشترى شبه ، شبوا بزغلته اللي تقل زغلة سليييط منقطع .

المهم و ما لكم بالطويلة ، قمت وسويت قهوتي و شاهيي و تقهويت لحالي أما هو يهبا ، قلت له اركب بحوض الددسن حتى أطلعك قيله الشهر الجاي و الأخ ما صدق جلس ساعة يهذرم علي و هو في حوض الددسن .

يا الجريح ..

الجريح يطبح من حوض الددسن ، لبيه لبيه < مطفوق
قم و أن أخوك ( ما هي لله ) قم و قطع البصل و الثوم و البندورة و اللحم ودنا نسوي غدانا ..

و بعد ما أركبنا غدانا على النار ، طلع الجريح لي بفكرة هاذا زينها ..
قال وشرايك نتزلج على الطعوس .. قل كيف
قال نجيب كرتون و نربط به حبل و مره أجرك و مره تجرني ..

قلت له لا أنت تجرني و أنا أدفك .. طبعا بدون تفكير وافق .

أنا اللي هو بدر اركب في الكرتون و هو يجره من اسفل الطعس الى ما ناصل لأعلاه ثم يجره من اعلاه الى ما ناصل الاسفل ، و اذا جاء دوري اخذت الكرتون بيدي و قلت له الحقني لأعلى الطعس ثم اركبه في الكرتون و أدفه بيدي الثنتين بقوة و يتدحدر هو و كرتونه و انا مازلت في مكاني فوق و هكذا أنواع التعذيب للجريح .

المهم طيحه من طيحات الجريح قام يوجعه بطنه ويوم شفته يحط يده على بطنه تذكرت الغداء و اشم ريح شياط و حريق أثري غدانا احترق الله يحرق عدوين ( ملهي الرعيان = الجريح ) .

طراااااااااااااااااااااااااخ صووووووووووووووووووووووووو > هذا صوت كف مع عقال طاير على قفاه بعد ما ركض عني .

ابرد يا المفسود احرقت غدانا .. وش نسوي هالحين نقعد بدون غداء هاااه

قال الجريح ما عليك انا اعوضك بغداء عطني السيارة و اقرب محطة نجيب لنا غداء

اعطيته السيارة و طول الوقت و هو يهيجن الى ما جاب العيد بسيارتي ، شوفوا وش سوا عساه ما يربح /

http://baderalblowi.googlepages.com/datsun.3gp

المهم الرجال جاء و أنا ما لاحظت شي على السيارة لاني ميت جوع ..

و قبل ما ينزل قلت له جبت البيبسي العائلة .. قال افا عليك ما نسيتها .. لاحظت انه مخبي شي لكن انا ما دقتت كله من الجوووع .. نزل الجريح الغداء و قعدنا ناكل شوي الا وهو قايل ..
بدر ... بدر .. بدر

نعممممممممممممم خلنا نتغدا

تصدق إني ابغى ألف كتاب قصص شعبية > طبعاً على باله إنه يمهد للموضوع ..

وش تقول .. قال مثل ما سمعت ابغى ألف كتاب قصص شعبية .

قلت له تكفى يا شيخ و الله لو انك اوسكار الهرفي .

قال لالالا ابغى الف كتاب شعر شعر ..

تكفى يا قاسم القويعاني إسمع لا تلجني و لا توذيني خلني اتغدى

قال : شفت المباراة أمس
عاد انا ما أدني شي اسمه مباراة خاصة من يوم اعتزل محيسن الشريدة و انا عايف الكووره كلها < يا زينك ساكت

قلت له قم قم لا تلجني رح اوقف بالشمس و حط العزبه على ظهرك و ارفع رجلك اليسار تراك غثيتني .

و الله و اكمل غداي و حانت مني التفاته > هذي الجملة متعوب عليها مررررره .

و اشوف ماء الراديتر ينقط ..

و اركض يم الجريح .. يا شين .. يا شين انت وش سويت بسيارتي .. ما يكفي انها كانت كامري و أعطيتها عين بموضوعي قبل السابق وصارت ددسن .. قمت هالحين و صدمت بها .. يا شين أنت علامك وش مطير عقلك .. اللي مزلل ذهنك وشوو .. المهم و امد يدي على بكت الدخان أبو بس اللي بجيبته و آخذه منه ( كلكم تعرفون ان الجريح ما يدخن و لكنه يضع بكت الدخان في جيبه على باله إنه متطور و متكشخ )

و اقوم أفت الدخان و انكته في الراديتر حق السيارة عاد قمت قلت له شغل السيارة و الظاهر إنه استخف شوفوا وش صار مع خوينا الله لا يبلانا و يرفع عنه /
http://baderalblowi.googlepages.com/sawat.3gp

و يحاول الجريح يشغل السيارة ما فيه فايده ..

كان اتصل بإخواني ( الله يخليهم لي ) و يرد علي أخوي سعيد ،، نعم يا بدر وش ودك ..
يا شيخ انقطعنا ... البليه الجريح صدم بالسيارة و يوم طفت خلص ماء الرديتر ابغاك تجي و يرد علي ما معي سيارة .. قلت له تكفى مر على الوليد و خذ جيبه الشاص و مر على إخواني ودنا نتوطى ببطن الجريح ..
المهم جو إخواني و سوينا بالجريح اللي ما ينسوا

http://baderalblowi.googlepages.com/tahtjaib.3gp

ثم رحمناه و رجعناه معنا و طول الطريق و هو ما غير يتشكى و الله لعلم عليكم سعود السرحاني و الله لعلم عليكم موسى ربيع و الله لعلم عليكم عبدالمنعم ..
طبعاً أنا كتمت بلوفه قلت له إنت تسكت و الا أعلم عليك علي عايش و من بعدها ما فتح فمه الى ما رجعنا للبيت .

و بهذا تكون انتهت حكايتنا اليوم

ما يستفاد من القصة :
1- لا توعد اللزقة و لو بعد مليون سنه تراه ما ينسى .
2- لا تخلي احد يسوي لك قهوتك و شاهيك .
3- عاد انتم كملوا الباقي .

واجب (هوم وورك = للي ثقافتهم عاليه ) :
1- كم مره أكل الجريح من طرااااااااااااااااخ .
2- كم مره ورد ذكر كلمة المهم في القصة .
3- اعرب ما تحته خط و إذا ما لقيت خط فاعرب الموضوع كله > اقعدوا بها .
4- ما هو الفرق بين البحر الميت و البحر الأبيض المتوسط < شطح الأخ .

و سلامتكم
و انتم سالمين غانمين
و لا احد يتلقف يصير مثل الجريح

نبي نسوي صلح بينكم احسن

هههههههههههههههههههههههه
,
هههههههههههههههههههههههه
.
إدعس يابدر والقلب يدعيلك
.
.
إعدمهم . هالمجلف .. مايدرون ان اللي يلعب بالنار تحرق أصابيعه
.
هذا بدر مو حي الله
.

بدر .. وبس والباقي خس
.
خخخخ
خخخخ
خخخخخخ
خخخخخخخخخخخ
خخخخخخخخخخخخخخخخخ
خخخخخخخخخخخخخخخخخخخخخ
خخخخخخخخخخخخخخخخخخخ
خخخخخخخخخخخ
خخخخخخخ
خخخ

الجريح .. كسرت خاطري

نبي نسوي صلح بينكم احسن

و العشاء عندك

هههههههههههههههههههههههه

,
هههههههههههههههههههههههه
.
إدعس يابدر والقلب يدعيلك
.
.
إعدمهم . هالمجلف .. مايدرون ان اللي يلعب بالنار تحرق أصابيعه
.
هذا بدر مو حي الله

.

هلا و غلا و مليار مسهلا

يكفي تشجيعك يا كنق

اشكرك بعنف

و قد جاب القصف لمواقعهم الخلفية و الامامية نتيجة مبهرة حيث إنعدم تواجدهم في مواضيعنا مما يدل على خوفهم الشديد هم و رابطتهم المتهلسه