قصيدة حفل زواج الملازم اول ياسر ابن الشيخ فالح بن رشيد مخيلي

اقدحت نار. المشاعر .حرب ..مافيها سلام
........معركه دارت .رحاها بين.فكري..والشعور

وابتدت خيل القوافي.. بالمهمات .الجسام
.......بين هجمه وبين صده تلتحم. فوق السطور

كيف ما اجيب..الجزيله..وانا قايم.بالمهام
......من يمثل له قبيله..يحترس.. قبل ..الظهور

جيت يدفعني ضميري..ماعلى مثلي ملام
.......طيبكم يسبق ..نباكم من..قديمات العصور

يابلي مهما. كتبنا.. لا جديد" ..في الكلام
......والقوافي..ماتعبر..مجدكم..فخر"...ونور

من بدا الاسلام وانتم.. محتوينه.. باهتمام
.....جند..للشرع ..المطهر..بالمعارك.. والثغور

في ميادين الشجاعه ..ما تهابون.. الخصام
......محتمين اللي..زبنكم لا غدا..بالوقت. جور

والكرم فيكم سجيه ضيفكم..يلقى. احترام
.... .قلتها شافت.. عيوني.ما نطقنا .فيها. زور

ياوجيه الخير طاب.. الليل وانزاح .الظلام
......وانفتح باب.. السوالف..ماتخفيها..الصدور

عند من قافي.. عناله..من عريبين..اﻷنام
.......يستحق ابيات.شعري.وافي" ..مابه قصور

هذا من جده ..مخيلي جد .وافعاله .تمام
.......من تمسك في جدوده..جد ..ماعمره. يبور

ابوياسر من. كفوفه ..ينتثر ..وبل الغمام
......بارز"بالجود ..يعرف.. من عريقين. الجذور

وان تزهل..بالمهمه لك ترى. درع وحزام
......شدبه ظهرك.. حكيم..الراي.. بتاع..وصبور

نظرته يم البعيده..يرتقي ..ذروة.. سنام
......مايجيب ..إلا الجزيله ..صامل" قلبه جسور

واحترم كل السميرات. المناعير ..الكرام
.......مدحهم لازم. يقدم ..في المنابر.. للحضور

صحبة اﻷخيار مكسب ..واتقلدها ..وسام
.......واجب التقدير يبقى..عند..من دمه.. يفور

الوفا بين الرجال..الطيبه. قدر.. و مقام
.......وقفة الرجال تحسب..والزمن...هذا يدور

والكلام اللي بديته بالشعر مسك الختام
.....اقدحت نارالمشاعر في بلي..شعري .يثور


محمد الثوعي

ماعليك زود يامحمد الثوعى
ويستاهل المدح ياسر وابو ياسر وكل السميرات ولا يهون الجميع
والنعم في المادح والممدوح


قصيده رائعه من شاعر جزل معروف لدينا في مشاركاته الجزله



تقبل مروردى على متصفحك بكل ود

صح لسانك يامحمدوالله يعطيك العافية

الله اكبر وماشاء الله تبارك الله .... ابو علي انت مدرسه نتعلم منها كيف نصقل ونسقط الخيال على حقيقة واقعية .... شعر راقي وأصيل ومتعة للمتذوق الحقيقي للشعر ... نتمنى المزيد من فيض ابداعك الشعري ... لك مني أجمل تحية

اخي العزيز..الشاعر سالم عليان الوابصي

ممتن من القلب على مرورك الاكثر من رائع
والسميرات يستحقون اكثر من قصيدة وماعليك
زود ياعزيزي الله يحفظك ويرعاك ...