قصيدة : للشاعر محمد موسى الوعيوع

قصيدة للشاعر محمد موسى الوعيوع
قالها عند ماعلم بمقتل الطالبه السعوديه المبتعثه لبريطانيا
المغدور بها (ناهد المانع) رحمها الله بسبب ارتدائها الحجاب ألاسلامي
إعلام ضد الدين وانتم تشوفون
لأجل الحجاب النفس راحت هديه
ناهد عساها الجنة الخلد بالهون
واللي غدرها له تجيب المنيه
بنت السعوديه على عرضها تصون
متحجبه بالديره الأجنبيه
حنا هل التوحيد مهما تسوون
ياأهل القلوب الميته والرديه
ياناس بالله صحصحو لاتغفلون
تنسون دين الله وسنة نبيه
الدين يبغا ناس لاجله يغارون
تكفون وصو ورعكم والبنيه
لاتتركو أولادكم مايصلون
كلاً يحاسب كيف دار الرعيه
لايقول انا ابغا عيالي ينامون
والا المره والبنت تزعل عليه
وعيال جارك وصهم لايضيعون
نبينا بالجار خص الوصيه
يالادمي في تالي الوقت مدفون
تحت التراب ومعك حسنه وسيه
مانافعك منصب ولا ريال مليون
الاعمل صالح وذمه بريه
هذا كلام الي من الفعل مغبون
واحد سعودي فيه كل الحميه

ابيات معبره نابعه من غيرة صاحبها

على الدين من أعداء الدين

صح اللسان قائلها

ورحم الله ناهد

ومشكور أخوي سنيد على النقل

أخوي مسند مشكور ويعطيك العافية
لو انك اتعبتنا شوية بالقراءة هههههههههههه
ايس اسم الخط .....

أخوي مسند مشكور ويعطيك العافية
لو انك اتعبتنا شوية بالقراءة هههههههههههه
ايس اسم الخط .....

ههههههههههههه سلامتك من التعب يعني الخط ماهو اضح
تعرف المنتدى متغير علي
شكرا ابو فيصل