هل تسويها ليلة الزفاف ولاما تقدر؟؟؟ (واقعية!!!)

قصه واقعيه حصلت في ليلة == الزفاف ==


شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الزفاف بعد ما دخل صاحبنا شقته مع زوجته وإذا بجواله يدق ويقوم خوينا يرد على الجوال ويدور الحوار التالي:

الزوج : ألووووو . المتصل : السلام عليك، كيف حالك يا (فلان) و ألف ألف مبروك . الزوج : وعليكم السلام وينكم يا أنذال ما حضرتوا الحفل يا تعبانين. المتصل : والله تعطلت علينا السيارة في الخط وحنا جايين عندكم ووصلنا وسألنا عنك قالوا انك رحت مع المدام.ولحين حنا راجعين الديرة.((طبعاً الديرة تبعد حوالي 300 كم)) الزوج : المهم تعشيتوا . المتصل : لا والله. الزوج : كم عددكم؟ المتصل : عشرة. الزوج : أقولك (حرام طلاق عشاكم الليلة عندي) قل تم. المتصل : يا ابن الحلال (غيير بدل ، قير سيارة مو رجال.)


الزوج : يالله أنا أنتظركم مع السلامه. وقفل الخط. الزوجه المسكينه ما هي مصدقه اللي سواه زوجها ليلة الدخلة ثم قال يا فلانه أنا رايح السوق وراجع ، ((على بالها بيجيب عشاء جاهز)) بعد ربع ساعه رجع الزوج ومعه أغراض العشاء . قالت الزوجه وش ذا . قال الله يسلمك قومي سوي العشاء لزملاي في العمل جايين من بعيد ولا تعشوا . في أثناء الحوار. وإن الباب يدق . قال هذا هم وصلوا يالله همه يا مره. وراح عند ربعه يقهويهم. المهم المسكينه في المطبخ تقطع البصل و الطماط بفستان الزفاف وعيونها تدمع وتقول في نفسها ( بكره بأرجع عند أهلي من الفجر وأطلب الطلاق) المسكينه سوت العشاء وتعشوا وراحوا لديرتهم المسكينه متضايقه .
و المفاجأة؟؟؟؟؟؟؟؟؟؟؟؟؟؟؟؟؟؟؟؟؟؟؟؟







أن زوجها يدخل عليها ويرمي لها بــ(50) خمسين ألف ريال قال هذا حقك قالت وشوا حقه قال الرهان اللي بيني وبين زملاي العشرة على كل واحد (5) بأنك تطبخين ليلة الدخلة وش يكون ردة فعلك يا موافقه ولا لا ? وتمت ليلتهم على خير و أصبحا ( أسعد زوجين)







للبنات بتطبخين له ولا لا ؟ وياترى اش راح تكون ردة فعلك ؟

للشباب ممكن تراهن في ليلة العمر ؟

هل المال أصبح كل شئ في الحياة ؟

منقول

حماد بعد ما اعرس ارد عليك

للشباب ممكن تراهن في ليلة العمر ؟

انا عن نفسي
اذا جاء ضيوف حياهم الله
بس والله ماني فاضي اراهن
ومع احترامي للعريس ما عنده سالفه

والله ياحماد
شي صعب
بس اذا تزوجت لكل حادثتاً حديث

شباب هذا اليوم
يخاف على العروس من البصل

ابن طليحه

يعرب

ياسر حمدان البلوي

عادل مساعد العبيلي

الف شكر على الزيارة ولاكن وين المتأهلين خايفين من الرد

اقول

(الخيل من خيالها ؟
(والحرمة من رجالها؟