رائعة من روائع الشاعر ساعد بن عوده الالبد رحمه الله

ترى الغشم يغدي الرجل عن دليله=مايستدل ليا الرجاجيل دلوه
ل اوحيت هرجه قلت ياكل قبيله=وان صار عقد وحل بالسوق باعوه
حثو به اللي يلقحون المحيله=وعقب اللقاح اولاد بالفتن جابوه
وعقب الرغا ومضاه ما فيه حيله=ما يحترك بالمجزرة يوم ثنوه
من لا يقيس مربحه من مكيله=بين الرجا والياس لزما يغلبوه
واشوف راع العرف لو تستحيله=عيو مرقصت الفتن لايصدوه
يموج موج الذيب بطن الخميله=ما سال عن غصن اللبش لو يحطوه
وبرقا مجنب عنك لا تستخيله=لو ان ضوه من ورا الضلع شافوه
يومٍ ما ياطاك كتر المخيله=مالك ومال المنتحي لا تعرضوه
ومن لا يخصك بالندى لا تجيله=مشيك بلا داعي يخليك مسفوه
وخطو الولد خابت عليه الحليله=بومه على جحره ليا جو تعدوه
لا نافعٍ نفسه ولا للقبيله=واذا تطاروا هبت الريح ما اطروه
ما هو من اللي ناشيٍ بالنفيله=اللي على شيب الغوارب تمنوه
لأهل الكرم والجود يومي شليله=يفرح بدسمين الشوارب ليا جوه
نقال للصخرات لوهي ثقيله=لو ان حمله بالقناطير زادوه
يوم الردي حمله عجز لا يشيله=ما قام به لو انهم قبل عفوه

رحم الله خالي الشاعر ساعد الالبد رحمة واسعه واسكنه فسيح جناته
اتمنى من الجميع الدعاء للشاعر بالرحمه وارجو المعذره ان كنت قد نسيت شيء من ابيات
هذه القصيده

الله يرحمه رحمه واسعه ويجزاك خير على حفظك لهذه القصيده الرائعه
كل يوم احترمك اكثر ياخال خالي
دمت ببختريره

الله يرحمه رحمه واسعه ويجزاك خير على حفظك لهذه القصيده الرائعه
كل يوم احترمك اكثر ياخال خالي
دمت ببختريره

اخوي علي بارك الله فيك يالغالي مشكور لمرورك ودمت ببختريره انت ايضا
تحياتي........

رحمة الله الشاعر
القصيده رائعه في زمن الغموض
شكراًل ابراهيم اللوباني والله يزيدك علم
ونرغب في المزيد
ودممممممممتممممممم

شكر الاخ ابراهيم علي نقلك لهاذه القصيده الرائعه تقبل مروري

ومن لا يخصك بالندى لا تجيله=مشيك بلا داعي يخليك مسفوه
ياسلام عليك يااخ ابراهيم على هذا النقل المميز

والله يرحم الشاعرويسكنه فسيح جناته