قصيدة واقعية من اب دعا على ابناءه العاقيين. ( من اجمل ما قرات من القصائد النبطية)

بسم الله الرحمن الرحيم

السلام عليكم ورحمة اله وركاته

اخواني في منتدى بلي اسعد الله اوقاتكم بكل خير.

انا عضو في هذا المنتدى وسمعت قصيدة نبطية (ممكن ان اقول انها من اجمل ما سمعت )

هذه القصيدة للشاعر جحيش بن مهاوش قال قصيدة في عيالة حيث انه دعا عليهم ان الله ما يرزقهم الاولاد واستجاب الله دعاه حيث قيل انهم تزوجوا مرة وثنتين وثلاث ومارزقهم الله بالاولاد وانقطعت من ذلك الوقت ديارهم واخبارهم بدعوة ابوهم عليهم.

بدت القصة يوم ماتت امهم وتوهم صغار، وقام والدهم جحيش بتربيتهم ورعايتهم الين ما كبروا وكان لهم مثل الام والاب يسهر الليالي على تربيتهم وراحتهم وفي النهار يسعى عشان يجلب لهم الزاد وكان في ذلك الوقت صعب الحصول على الطعام الا بشق الانفس وكان يترك عياله عند خوالهم او عند الجيران وعند الاكل كان يحرم نفسه نصيبه ان كان الاكل شوي ويكتفي بشربت ماءوينام وهو جايع ومن حرصه على عياله انه ما تزوج بعد ما ماتت امهم لانه خايف انها تكون قاسية عليهم وتكفل بالحنان والتربية لهم.

ومرت السنين والسنين وكبروا عياله وتزوجوا واحد وراء الثاني وبعد كل اللي سواه لهم ما لقي من عياله الا الجحود والنقص في معاملتهم له، ولا عاد احد منهم يبي يخدمه او يقضي لزومه بعد ما حل عليه الشيب وكل هذا عشان زوجاتهم اللي اصبحن يتوذن من خدمته حتى ان كل واحد منهم صار يطرده من بيته ويصك الباب من دونه.

ويوم شاف هذي الطريقة منهم قال قصيدته المشهورة وبعدها راح يكن باحد الخرابات ولا عاد يقوا على القومة والمشي وضعف بصره وسمعه الين الله توفاه

والقصيدة تقول:

قال الذي يقرا بلايا مكاتيب "="ياللي تقرون العمى من عناكم
ياعيال ياللي تشرفون المراقيب"=" تريثوا لي وقصرو من خطاكم
خذوا كلام جحيش ما به تكاذيب"=" مثل السند مضمون للي وراكم
ياعيال وان صرتوا ضيوف ومعازيب"=" ترا الكلام الزين ملحه قراكم
ترا البلاسة من كبار العذاريب "="ترا البلاسة ما تطول لحاكم
يصير بعبون الرفاقة تقل شيب"=" الى منه اقبل قيل هذا بلاكم
المذهب المذهب ترا المذهب الطيب"=" ترا ردا المذهب يبور مساكم
ياعيال ما سرحتكم للمعازيب"=" ياعيال ما عمر المعزب ولاكم
ياعيال ما ضربتكم بالمشاعيب"=" ولا سمعوا الجيران لجة بكاكم
ياما تمسعرت بالخلايق تقل ذيب"=" من خوفتي اقصر علي بعشاكم
احفيت رجليني بحامي اللواهيب"=" وخليت لحم الريم يخالط غداكم
واليوم شوفوا لحيتي كلها شيب"=" وشوفوا محلة خوضعي في ذراكم
قمت واوكا في عوجا المصاريب"=" قصرت خطاي يوم طالت خطاكم
ياعيال ياعيال عليكم مطاليب"=" عطوني القربة جزا ما جاكم
خوالكم ياعيال ماكل الطيب"=" يا عيال مدري ها الردا منين جاكم
ياعيال ياعيال الخنا كلكم عيب"=" ياللي على الوالد كثير لغاكم
قصيتكم واسنتد وادي السلاحيب"=" ولقيت في الصبخا فيه ماكم
يا عيال بعتوني بصغر العراقيب"=" ماهي حقيقة سوا الله قراكم
اطلب عسا نسوانكم ماتحمل ولا تجيب"=" تغيب شمس الصبح وتغتم سماكم
ولابد ما هو عاوي دوني الذيب"=" بالقبر مفرق طيبكم من رداكم

تحياتي لكم .......

أبو الحارث ..

قصيــدهـ موثـرهـ جـــداً ..

سلمت يمناك ولاعـدمناك لاتحافنا بها ..

أطيب الـمُــنــى ،،

سلمان الـعــــــــرادي

ابو الحارث الله يعطيك العافية
انشهد انها تقطع القلب وصحيح انها معروفة
وفعلا من اجمل ما قرات حتى انا وكنت ابحث عنها
الله يسلم يمينك ودمت مبدع
تحياتي مع خالص مودتي

ابو الحارث
قصيده مؤثره

ابو الحارث

سلم بنانك

ماذ لو علمتم ماذا حل بابناء هذا الشايب

انه من اهل الجوف لم يوفق ابناءه بالحياه

قصه حقيقيه موثره

دمت بخير

ابو الحارث ..
قصة محزنة جـــداً..
لك الشكر ..
ولاحول ولاقــوة الا بالله العلي العظــيم ..