الجرح المدفون

قال المداوي فيك قرحه وقالون=مع كثرة التفكير ترها تزودي
وابعد عن الدخان تراه ملعون = واقطع علاقاتك بحمر الخدودي
قلت اه لو شفت الحشى كله طعون=وفرت هرجك ياحكيم السعودي
اماتصيربسبته شخص مجنون=ولا تعالج كايدات الهودي
تبدى بجرح بااول العمر مدفون= بقصى معالي الضماير يسودي
من سبته حالي مثل ما تشوفون= ينقص مع مرور الزمن مايزودي
يسوج في صدري ثمانين طاعون =جارن علي وعقبني حدودي
يومن خالي المشاعر ينامون= انا عيوني ماتعرف الرقودي
كني سجين طاح بيدي صهيون =مسلم وسجانه من اصلا يهودي
اكوي طعوني باالزقاير على الهون = وصط البكت كن الزقايرجنودي
الي فنا منهم ثمانين مليون= ولي بقى اكثر من تراب النفودي
ودي اسج اسوات ناسن يسجون =مار البلا النسيان عيا يجودي
عيو شياطين الضماير يطيعون= حاولت معهم لين ملن اجهودي
حاولت اسوي مثل ماهم يقولون=طنش وجعل الي مضى مايعودي
ياقلب تنسى الي مضى قال وشلون=انسى ونابيني وبينه عهودي
ماهي بكيفي وانشد اللي يحبون=عليهم النسيان شي يكودي
راع الهوى
عوده ثاني البلوي

عمي العزيز عوده ثاني

صح لسانك وسلمت يدك قصيده رائعه بروعتك وطلتك البهيه

كل عام وانت بخير

السلام عليكم ورحمة الله وبركاته
ابوريان صح لسانك وسلمت يمينك
على هذه الرائعة
ونطلب منك المزيد
دمت بخير

ابو ريان الالبد

صح اللسانك ويعطيك العافيه

السلام عليكم ورحمة الله وبركاته
عوده ثاني البلوي
انا قررت ادخن من هاللحظه
صح لسانك مليار مره
حاول تعطي بعض الجنود اجازه الدنيا عيد وخير والحقيقه القصيده قويه
بكل ماتحمل

اخوك مبارك خليف البلوي
حايل

ودي اصفق واصفر ...

ابو ريان...


صح لسانك
واقول ماشاء الله ابدااااااااااااع>>
يعطيك الله العافيه وعسى ربي يفكك من هالبلاء اللي تشربه وتكبه وتراها سهله


قدر غيرك عليه.. واانا متاكد انك منت اضعف من غيرك..بل انت قوي مثل ماهي ابياتك قويه
واتمنى ان نسمع بلاايام المقبله خبر تقاعدك واعتزالك عن الدخان اللي مامنه غير .....

تحياتي لك وانت مكسب لهذا المنتدى

اخوك تواصل