مزبور السنام

من تجربه ماهي من اضغاث الحْـلام ** من واقعي ماهـي خيـال مـن الحـدس
جـرب حزامـك واعرفـه وش مـن حــزام ** أمــا اكـتـرب فــي كـــرب والا ينـمـلـس
إليـا ارتـخـى ياشينـهـا وقــت الـزحـام ** يوم الـذراع تهـوش مـن حامـي نفـس
وان كان ماكانـت علـى الدنيـا السـلام ** كانـت سـلام بوضـع مقلـوب انعـكـس
وان كـان صـارت معـك ياعـالـي مـقـام ** يفداك لاش(ن ) طـاح مـن حالـه نكـس
وسهيـل ضـوه ماحْجـبـه زود الـظـلام ** لــو كــان ليـلـه مــن ظـلامـه مـنـدمـس
يـــزداد ضــــوه كــــل مــــازاد الـعـتــام ** وتصبح نجوم الليل مـن دونـه حـرس
والـفـعـل مـاهــو بالـلـسـان وبـالـكـلام ** البـحـر مـايـدري عـنـه مــن مـاغـطـس
وانــا أعتـبـر مـذمـة الـنـاقـص وســـام ** ويكبـر بعيـنـي كــل مبـلـي بالـخـرس
يـمــر عــــام وربــعــه الـكـيـلـو جــــرام ** يكفيـه عـرف ان الحـصـان امــه فــرس
مانـي مــن الـلـي رزقــه بـطـق ولـحـام ** ولاني من اللـي بالقفـا مشيـه دسـس
يااهـل الحسـد لاصـار قبـل الالـف لام ** صار الجدل حول الظمير اللي يحس
وكــان العـلـوم عـلـوم زاجــل ياحـمـام ** مابـعـد خـمـسـه واربـعـيـن الا جـــرس
لامعـاتـب ولا ملـحـق الـدعــوى مـــلام ** وشكـواي للـي محيـي العـود اليبـس
ومن ماغدى وسـط البشـر زاد وطعـام ** ان قـام تحتـه خـط واثنـيـن ان جـلـس
واختامها خصيت به ناس( ن ) فهـام ** عِـرِّيـف منـهـا نقـتـبـس مـــا تقـتـبـس
مــن حاشـهـا مــن بـيـن زمــزم والمـقـام ** مايلـتـبـس لـــو كـــان غـيــره يلـتـبـس
عن سبع في سبعة عدد صارت حيـام ** ويامبعد الطـاري بـراس اللـي حمـس
مـاهــو طـلــق ﻻثـــار بــشّــر بـالـلـغـام ** ولاهي نوايا دخول موسوعة جينس
وشْـداد ماهـو شْـداد مـزبـور السـنـام ** فـــي ذمـتــي مـامــن وراه الا الـفـلـس
وصحيح هـذا وقـت عيشـه فـي نظـام ** اذا عطست اِحْمَـد وشمِّـت مـن عطـس

صح لسانك قصيده جزله

صح لسانك ياثاقب والله يعطيك العافية على القصيدة

صح لسانك يابو محمد

صحت ابدانكم جميعا وشاكر تواجدكم الرائع