سوالف X سوالف

يالله صباح خير


وين الشباب آشوفهم


متغيبين هالفترة هاذي

يالله صباح خير


وين الشباب آشوفهم


متغيبين هالفترة هذه

سعـــــود ..

تخبر الأختبارات قربت والزقرت يسوون براشيم

براشيم

عز الله ونعم

أشوف قلم أبو نص أرتفع سعرة ههههههههههه

والدبوس الصغير يقولون وصل سعره إلى 45 ريال على الدبوس > قوية

والله ماحد هين

الله يوفقهم

وهم بغنى عن البراشيم لانه مسألة الغش مسألة خطيرة

ليست بسيطة قد تساهل الكثير فيها

ولكن نسأل الله الهداية لمن نيته هذا الأمر ..

وبجهده ليس بالبراشيم من يستخدمها فهذا ناقص ومصيره

سوف يتفوق بكل جدارة لكن يوم من الأيام لان يجد لمساعدة البرشام

طريق وقد يقع عن أسهل المسائل ويضيع مستقبلاً كاملاً من خلفه كان يتطلع

إليه أنه متفوق

مرة آخرى أتمنى التوفيق لآخواني الطلاب

=> يحس أنه على طاولة وجمعاً من الطلاب قدامه

بصراحة أنا مااستخدمت البراشيم

لكن من ذكريات في المتوسطة

كان قدامي واحد دافور ودائمن الدوافير هم اللي المحبوبين لدى الكل

وتلقى خمس طعش واحد لازق بجنبه وعويناتهم تلاقط ..

المهم كانت المادة عندنا رياضيات فكنت ماني مذاكر وبلشت بالحل

وقـلت مالي الا صديقي هالدافور آجي وراهـ وآخليه يغششن

المهم قلت له أسمعني بالطيب راح تغششني والا ترى اذا ماغششتن بفقع وجهك

مهايطي بيني وبينكم آيام المتوسطة

المهم

حليت مسائلتين عرفت حلها بالصدفة وبلشت بالباقي

كان عندنا مدرس الله يذكره بالخير دليخ شوي والشعب كلهم فالها

ماتوقعنا هو يراقب علينا ..

وضربت كرسي الدافور برجلي عزكم الله أول مرة مانفع ثاني مرة مانفع

يوم شفت أن المدرس مشغول مع واحد يشرح له سؤال

قمت وسحبت الورقة من الدافور وقلت خذ ورقتي وياويلك لو ماتحل لي

المهم حل كل الورقة النذل وعطانيها وأنا مبسوط حتى حلي قال هذا غلط عليك وحط حل ثاني

طلعت من الاختبار قلت بس بجيب الدرجة كاملة الله يخلي لي هالدافور بخليه صديقي للأبد

هذا الكلام يوم الأربعاء كان وأجي للبيت وآبشر الوالدة آني حليت زين
وخصوصن الرياضيات بعضنا يفحط فيها حتى بالمذاكرة يذاكر لكن العقليات مقفله مالها نفس للمذاكرة ...

وجاء اليوم الموعود يوم السبت الله لايعيده من باب حوش المدرسة على باب مكتب المدير مصلب

وش سوا اخونا في الله الدافور

يوم الأربعاء راح للمدير وفرط السبحة كلها عنده وقال آنه هددني سعود وأنا خايف منه وبصراحة أنا حليت له الاختبار كله غلط في غلط

علشانه غصبني على الحل وأنا ماابي اغششه

المهم المدير قعد يقول لي الشكوى حقت الدافور وقعد يضحك قال بالله عليك هذا اسلوب تسويه وواثق آنه يحل لك صح يعني ..

أخذت عقابي منه والعقاب الثاني أني أعدت دور ثاني بمادة الرياضيات

وبعدها توبة أني أغش من أحد أو أني استخدم برشام

حتى مرة حاولت أدخل براشم بس ماقدرت أطلعت وأعتمدت على الفلسفة الزائدة بالحل ونجحت والحمد لله بدون لااستخدم البراشم

فهذا يدل على أنه مهما كان الغش مصيرك بتوقع بمواقف يمكن تندم

مجرد سالفة جت على طاري البراشيم

سلمان العرادي سلمت حركت الذكريات شوي

سعــــــــــــــــود ..

أكفــــــــــــــــــــــش يابعدي:d

طلعت العلووووووووووم

اقولك بحرك مخي على ذكريات الماضي بالغش وجي أعلمك فيها

.. بس حركتك مال أمها داعي بالدافووووووووووووووور:d

سعــــــــــــــــود ..


أكفــــــــــــــــــــــش يابعدي:d

طلعت العلووووووووووم

اقولك بحرك مخي على ذكريات الماضي بالغش وجي أعلمك فيها


.. بس حركتك مال أمها داعي بالدافووووووووووووووور:d

علوم سابقة يعني خلصت يعني راحت يعني مالها مخرج هالسالفة

عادي الواحد يقول ذكرياته وتجاربه تصير حكمة للغير بأنه مايقع فيها

هين الدافور أنت لو تعرف العقاب اللي سواه بي المدير كان تضحك سنه كاملة

وتتحسف أنك ماضحكة السنه اللي راحت

يالله حرك لنا مخك شوي وعب قاز مو بنزين أحمر

علشان تعطينا سالوفه حلووه من ذكرياتك

سلمان العرادي

سعــــــــــوووووووود ..

عاد خذ العلم مني بس لاتعلم احد

هذا سلمك الله يوم كنت أدرس بثاني ثنوي علمي

كان عندي اختبار لمادة الأدب ..

واخوك مزبط براشيم ومسوي فيها النون وذمتها .. عاد الاختبار كان اختبار شهري طبعاً

الوكاد كفشني الاستاذ الله يذكره بالخير وعطاني دش من الهرج على كيف مخك

عاد انا اخلاقي خربت وطلعت برا الفصل وجيك نازل وتعدا من عند غرفة المدرسين ومدرعم بطلع برا بروح البيت وطلعت من البوابه الرئيسيه وإلا فيه بعد ماتطلع خرصان
واطاء عليه ولا تقل إبر أثريني من الحماس والغش فاصخ حذاي الله يكرمك
ورجع الفصل ودق الباب مسوي مؤدب ولا الاستاذ يقول وش جابك قلت ابد طال عمرك ابي حذاي الله يكرمكم الوكاد المدرس قام يضحك وقال اجلس وعاطني الورقه اكمل اختباري ..

هذا أطرف موقف يصير علي بالغش .. وماخفي كان اعظم ..

عاد أنا بكره عندي أختبار وخلها على الله ليتني ما انكفش

عاد ماودنا ننثر العلوم هنا خلها لا تقابلنا ..