الشيخ زيزوم المهمة سليمان { قصـه وقصيده }

السلام عليكم ورحمة الله وبركاته

الشيخ / سليمان بن عيد بن رشيده السميري البلوي
احد اعيان عشيرة السميرات له موقف رائع مع الذيب
وهو : انه في احد الليالي اعتدى الذيب على اغنام احد جيرانه وقال لعياله انصبوا الفخ للذيب ونصبوا الفخ ووقع الذيب فيه وكان سليماً
وحطوه في شبك وفي الليلة الثانية صحي ابو منصور و الذيب يعوي والذيابه الاخرى تجاوبه براس الطويلة وحز بخاطره الذيب المحبوس بالشبك وحس ان الذيابه كأنها تنادي للذيب المحبوس
والصبح يوم قام قال يارجال البارح جتني جاهيه للذيب قالوا يابو منصور ايش الموضوع
وحكى لهم ايش اللي صار بالليل واعتبر ان عواء الذيابه جاهه
تطلب منه اطلاق سراح الذيب المحبوس بالشبك وبالفعل فك الشبك واطلق الذيب وسموه جيرانه
{ معتق الذيب } وهيضني هذا الموقف الانساني الرائع حتى وإن كان بحيوان مفترس
وجبت ابيات بهذا الموضوع وعندما وصلت الابيات لأبو منصور اهداء لي هديه بندقيته ( الشريفيه ) وهذه البندقيه ورث من ابيه ومن أغلي مايمتلكه الشيخ سليمان بن رشيده
وحقيقه ليس بغريب على ابو منصور موقفه وكرمه والطيب لا يستغرب من راعي الطيب ولكن الشي بالشي يذكر ..

ياراكب(ن) من فوق حره فريده=مجوده من ساس ريمه وريمان
مطبّعه ماهي جفول وعنيدة=ولا طبت الاسواق من شان الاثمان
تمد والملفى على ابن رشيده= الشيخ زيزوم المهمة سليمان
شيخ(ن)بتال الليل ناره وقيده= ويفرح الي حلو على البيت ضيفان
من طيبته كل النشامى تريده = والطيب لأكرام الرجاجيل عنوان
عقب الاهل ماهي مكاسب جديده= متسلسله عقب الاهل ورث جدان
الذيب حز بخاطره قصرة إيده=يوم انحبس بالشبك بين اربع اركان
منين مادور ترده حديده =وامسى يجر اعواه ويعود احزان
في نظرته كل الحياة الزهيده =وكنه يقول بنبرة الصوت يافلان
قام انتخى راع العلوم الحميده = والشبك فكه واطلق الذيب سرحان
ولا حسّب حساب العلوم البعيده =حتى ولو بكره عدا له على الضان

* فالح عايض السميري






.

اخي الشاعر ابو عمر
السلام عليكم ورحمة الله
عادتك يابو عمر تاتي بالنوادر الثميه
قصه جليله تدل على شجاعة وشهامة فاعلها وهي نادره من نوعها
بيض الله وجه الشيخ سليمان الذي اهدى هذا الفعل الجليل للقبيله كلها
وبيض الله وجهك على القصيده الجزله وتستاهل الهديه
وتقبل سلامي
وفقك الله

الشيخ / سليمان بن عيد بن رشيده (أبو منصور)

تحتار ماذا تكتب عن هذا الرجل الشجاع الكريم صاحب الاخلاق العاليه
ونعم الجار يابو منصور انت وابوك عيد بن رشيده الله يرحمه .

أبو عمر

صح لسانك ولاهنت على القصيده الرائعة .

ولكم خالص ودي وتقديري

ونعم بالشيخ / سليمان بن عيد بن رشيده
وصح لسانك يافالح وعاداتك الجزاله

اخوي العزير عيد بن قيضي

منك تعلمنا الشئ الجميل

تقبل تقديري

اشكرك اخوي سعود

مرورك نبراس على صفحتي