قصيدة الشـاعر / يوسف الثقفي في حفل بلي

القصيدة التي القاها الشاعر / يوسف بن جار الله الثقفي في زواج قبيلة الهروف الجماعي



سلام الله عليكم بابلي ماناض برق ولاح
تدافع به هواجيساً لبيت المدح مرهونه
تزاحم لاحضر هاجس رحل هاجس عنه وانزاح
مغاير عنه في وزنه وفي قافه وفي لونه
بلي في صفحة التاريخ نوراً واضحاً وضاح
مواقفها تجملها وترفعها ومضمونه
لها من قبل يبعث سيد الأمه فخر وامداح
وحتى اليوم هاك المجد يحمونه ويبنونه
لهم في معركة بدرالفخر يوم المنادي صاح
عددهم عشر جيش المصطفى بالخيل والمونه
وفي صلح الحديبة لهم موقف وفا واصلاح
وتاريخاً مسجل في عصور الدين وقرونه
وأنا باسجل التاريخهم مافي البيوت الحاح
وآصورها و أدون من سمان الشعر وعيونه
بلي في عجة الهيجا ليا قام الصويب وطاح
تنادو له رجالاً من سهوم الموت يحمونه
بلي يوم الرماح اللي تبارا والخيول جماح
لها وقفه تجلي الهم والمغبون يشفونه
مداليه الغريب وللمعادي موسعين اجراح
ويبطون المداوين الجروحه مايداوونه
كعام الضد درع الجنب هيبه والخوي مرتاح
كرامة نفس شيمة راس والعادات مصيونه
بشاشة وجه طلق احجاج وايدي للكرم سفاح
يمدون الجميل بنفس مرفوعة وينسونه
نسب واضح عريبين المجاني والعدود اقراح
معالم مجد سيرة عز يبنونه وينشونه
هذا يوم السنين الشهب موتا يخطف الارواح
ذُعاف الموت لو جا يشربونه مايهابونه
هذا يوم الليالي كل ابوها معترك واكفاح
بحكم الجاهلية يطرد الديان مديونه
لها بأرض الجزيرة مجد ماراحت معا من راح
رست مثل الجبال اللي عليها القول يقلونه
وهذا الوقت عهد امن وامان وتقنيه واصلاح
بحكم ال السعود الخير كل الناس يجنونه
بلي ساس التطور في الشمال وشعلة المصباح
مواكبة الحضارة في حدود الدين مامونه
بلي منها الأمام ومن بلي الدكتور والجراح
وقايد منطقة وقضاه شرع الله يحييونه
لهم في كل ميدان مراتب واوسمه وشاح
وبجد وجتهاد وعزم منصبهم ينالونه
وحنا شعب واحد للوطن درع وذرا ورماح
يهنونا بوطنا والوطن فينا يهنونه
قبايلنا معا صقر العروبه مخلباً وجناح
سليل المجد مع شعبه يفاديهم ويفدونه
وانا ماهمني تعبان لا ياصل ولا يرتاح
يسير في خطا غيره ويلقى من يمنونه
قصار السالفه وابياتنا تغني عن الإيضاح
وبيت الشعر في المقصود من سده ومن دونه
بلي مجداً تليد وحاضراً زاهر وعطراً فاح
وتاريخأ على مر العصور الناس يقرونه

صح لسان الشاعر

صح السانه
وما عليه زود شاعر كبير
يعطيك العافية

صح لسان الشاعر

وسلمت أخوي مشعل على النقل