الشاعر صباح المبادري للشاعر راشد بن منقره

هذه قصيدة الشاعر الاستاذ/ صباح سويلم المبادري. والتي ارادان يلقيها في حفل تكريم الشاعر راشد فرحان منقره والذي سوف يقام هذه الليله ونضرا للظروف التي لم تكن بحسبان الشاعر لم يشاء الله ان يحضر الحفل.. وانا الان اضعها بين جماهير ومحبي راشد على لسان الشاعر صباح والتي يقول فيها:

ياهاجسي والشعر عندي بالمواقف راس مال = ولاكما سيف لاجل بعض اللوازم نذخره
واليوم جاله لازمه ياهاجسي تكفا تعال = مجبور يالخافق ونفسي بالقوافي مجبره
يومه لفا جاني على كيفي فناجيل ودلاال = والشاذليه وسطهن بالزعفران مبهره
واخذت افكر بالنشامى من يمين ومن شمال = وطرى علي بيت لشيخ الشمل كل يذكره
سقها على اللي يحتمي ربعه ليا قام القتال = هذاك والله منقره تستاهله يامنقره
نعم الرجال اهل الوفا والجود وافين الخصال = هذي حقيقه واضحه والحق عيب لمنكره
نعم العشيره بالمواقف واحفظوا عني مثال = فيهم كرم حاتم واقدام وشجاعة عنتره
وراشد وقف وانا اشهد انه للمواقيف الثقال = مبدع وقام بواجبه ياهل القلوب المبصره
والله يجمل حاله مجمل ولا فيها جدال = كفى ووفى واسم ربعه بالمحافل ينشره
لو اسمها مشهور من عصر النبي ولايزال = فخرا لنا ذخرا لنا من مفخره لمفخره
ربعي بلي ضلع طويل من قديمات الليال = في طيبها ياطيبها وحريبها للمقبره
فيها سمو من السما فيها الثبات من الجبال = تاريخها معروف ونحمد الولي ونشكره
عاشت شموخك ياربوعي تحت عز وفي ظلال = آل السعود آل السعود اهل الجهود المثمره
الامن عم بلادنا من الجنوب الى الشمال = والخير عم ارجائها والعاهل الله ينصره
والله يديم آل السعود العزوه اللي ماتطال = ريف الليال المقبله باس الليال المدبره
قال المبادر والمبادر مايجيب الا الجزال = شكرا ياراشد منقره وعن القصور المعذره

صح الله لسانك يالمباادر ويستاهل إبن منقرة

سلطان يعطيك ألف عافيه

دمت بووود

صح لسان شاعرها صباح المبادري قصيده جزله من شاعر جزل

لا هنت اخوي سلطان على القصيده
وياليت واعتبره طلب قصائد للمبادريه
لان اللي اعرفه انهم
اهل قصيد جزل ...
سلمت يمينك

دمت بخير

صح لسان الشاعر

و يستاااااااااااااااااااااهل راشد

صح الله لسانك يالمباادر ويستاهل إبن منقرة

سلطان يعطيك ألف عافيه

دمت بووود

الاخ /ثامر ظميان
لك كل الود والشكر على مرورك واطلاعك والله لايهينك اخوي

صح لسان شاعرها صباح المبادري قصيده جزله من شاعر جزل

لا هنت اخوي سلطان على القصيده
وياليت واعتبره طلب قصائد للمبادريه
لان اللي اعرفه انهم
اهل قصيد جزل ...
سلمت يمينك

دمت بخير

هلا والله فيك يافايز ومشكور على مرورك و اطلاعك
وانشاء الله سوف اسعى لنقل قصائد شعار المبادريه
ودمت بكل خيراخي