الحنين اللي ذبحنا نذبحه ونتوب توبه

أحبائي
بدون مقدمات
اليكم هذا النص القديم الجديد
آمل ان يحوز علي شئ من رضاكم
لانكم تستحقون أكثر من هذه الحروف
المتواضعه

طاب لي عطر الليالي يوم داعبتـه خيالـك=كيف انا لوكنت اداعب غرتك واكسب مثوبه
كيف انا لوكنت مره في يمينك فـي شمالـك=كان والله معليه من صفـا الجـو وهبوبـه
كيف انا لوكنت مبحر وسط جدول من زلالك=يطفي اشواقي وهمي واكتشف معنى العذوبه
كيف انا لوكنت اسافر في متاهه من جمالـك=كان والله ماميز وين غربـه مـن جنوبـه
كان والله طاب فالي وانت مني طـاب فالـك=والحنين اللي ذبحنا نذبحـه ونتـوب توبـه
في مباسمك النديه تهت كلـي مـن دلالـك=والغنج والتيه حافظ سكته واصعـب دروبـه
الحلا والزين كله يااكحل الرمشيـن جالـك=كم ترك لاجلك هنوف(ن)مايسة قد وطروبـه
الله الكامـل حبيبـي مادعـي والله كمالـك=فتنتك خلت عيوني عن حلا الغير محجوبـه
نالني سيف الموادع وادري انه حيل نالـك=وافترقنا والمسافه بيننـا صـارت عقوبـه
الليالـي فرقتنـا واحرمتنـي مـن قبالـك=والمواعيد الهنيـه كلهـا صـارت كذوبـه
مابيدي مابيدك غيـر كلمـة كيـف حالـك=والحروق اللي تسافر للشفق تبكي غروبـه
من يلوم العاشق اللي يحتري لـذة وصالـك=ياعسى اللي ناب قلبي من لظى الفرقي ينوبه

مشهور السرحاني

خليك معاي لحظه وين تبيني ارد لو تبيني ارد على كل حرف من قصيدتك

ما يكفي

كيف انا لوكنت مبحر وسط جدول من زلالك=يطفي اشواقي وهمي واكتشف معنى العذوبه

وصفت هنا وصف غير طبيعي صدقني ابحرت هنا بكلاماتك وما يحتاج اوصفلك قد ايش طلع رائع بالخيال

كيف انا لوكنت اسافر في متاهه من جمالـك=كان والله ماميز وين غربـه مـن جنوبـه
بصراحة هالبيت حاسني حوووس رائع والله يا مشهور

هذا هو الوصف وهذا هو الشعر

مشهور السراحاني

تحياتي لك مع خالص مودتي

اخوك

الشاعر
المتألق
والمتميز
..........
مشهور يوسف السرحاني
.........
صح لسانك مليون
بحق انت مبدع
ورائع
تشرفت بوقوفي امام هذه الرائعه
وهذا ليس بغريب من شاعر
مثل
( مشهور )
وكم انتظرنا
هذا الهطول من شاعرنا
دمت كما تحب
اخي العزيز
.
.
سجل
أعجابي ومتابعتي


.

اخوي فايز
,,,,,
كلك ذوق وتفصيلك للابيات دليل على حسك الشعري
,,,,,
مرورك العاطر زاد القصيدة جمالا
,,,,,,,
لك مني كل الود والتقدير

اخوي عايد
,,,
التألق والتميز والهطول الجميل يبدأ من عندك
,,,
شرفت النص بمرورك العطر
,,,
لك كل الحب والموده

الاخ \ مشهور السرحاني ،،

حلوة واعجبتني ،،،،!

تحياتي لك ،،