قلبٍ توفى !

بسم الله الرحمن الرحيم








ادخـل على اللـه يا قليبـي وتكفـى

طالبـك وأنا ما طلبـت الضعــايف

جرح بعيونـي عجـز العين تغفى

واثر عجـزها بالضلـوع النحايف

قلـي دخيلــك دام أبــويــه تـوفـى

وشلــون ابرقـد تالي الليـل كايف

كــم ليلــةٍ لا شفــت زولــه تقفـى

عني تفيــض العيـن دمعاً ذرايف

يا قلــب جـرح العيـن وفى وكفى

ادخـل على اللـه لا تزيـد الكلايف

ما تذكــر انــه يطلــب اللـه تشفى

لجلـه تصبــر واحتلـي بالوصـايف

اللـي ربــاهــا فينــا قلــبٍ مصفــى

ما مـات ذكره باقيـنٍ وأنت شـايف

النــاس في طــريــاه ما حــدٍ تأفـى

لـو ما نخــاف اللــه قلنــا حســايف

مثلـه يمــوت وسيــد القــوم يخفـى

وحنــا نعيــش شلـون مانـي بعايف

إلا بعيــف النفــس ولا ودي أرفــى

بحالي وحالي كنـي مذعـر وخـايف

لـو البشــر بالبــرد ما ضنـي بدفـى

ولـو البشـر بالصيـف فيني رجايف

يا معفــي ذنــوب الخـلايـــق تعفـى

عــن هالذنــوب ثقالهــا والخفــايف

عقــب ما مــات بداخـل النعش لفى

لفــت عزيـــزٍ يدفــنـــوه الــولايــف

يا للــه عســاه بجنــة الخلــد يلفــى

وتكون يوم الحشر بيض الصحايف

ناديـت قلبـي يمكــن العــيــن تشفـى

من هالدمــوع اللـي تبــل الشفــايف

أثريــت قلبــي عقــب موتــه تــوفـى
والعيــن تدمــع ليــن صارت نشايف

الله يعطيك العافيه اخوي الغالي رشيد

عسى يرحمه وينور قيره

وقصيدتك جزلة ومعبره