يا عديل الروح

ياعديل الروح في قلبـي غـلاك =ثـابــت فالقـلـب لا يـمـكـن يـزيل
صــورتك بالعـــين دايـم يامـلاك=مستحيل انساك وسلى مستحيـل
لويطول الوقــت قلـبي مـاعـزاك=كـل ماسـويت مـن شـانك نشـيل
رابـح التــجـار مـن بـاع وشـراك= راح عـمـري يـمكـم عيني تخيل
ليتني بالبرد عنـدك فـي غطـاك=مـايـطـول اللــيـل لــونــه طـويل
شوف حالـي ناحله سـبت هـواك=من اقطوف الـورد ماذقنا حصـيل
كبدي اللي طبـها من شـرب ماك=غـيركـم مقــطــوع مـالـيه عمـيل
الـعـرب يرجـون وانا فـي رجـاك=عطني البرهـان واعـطـيك الدليل
وضـح الاسـرار وأعـرف مستواك=وادمــح الــزلات لـــونـك تــعــيل
خل عنك الشح ويـوم الله عطـاك=عـالج المرضان مـن قـبل الرحـيل
كان قلبك ماعطف ماركض وراك=اغسل الـشريان عن حـبك مـــزيل
أكتم الاصوات حتى أقطع رجاك=أشـتري وابـيـــع بـنـواع المـديل

شكرا لك على هذه القصائد وسوف تجدها مكتوبة في ديوان القبيله باذن الله تعالى ونامل منك المزيد من القصائد الطيبه وخاصة الشاعر ساعدالالبد...وفقك الله

ابن الجزل

اشكرك على مرورك واسف لتاخري يالرد عليك

انا اجمع قصايد ساعد الالبد وسوف انشرها قريبا انشاء الله

ياعديل الروح
ليتني بالبرد عندك فـي غطـاك ...........مايطـول الليـل لونـه طويـل

صح لسانك ولسان قايلها

لك الود

اخوك

عبدالله الوحيشي

كبدي اللي طبها من شرب مـاكغيركم مقطـوع ماليـه عميـل
العرب يرجون وانا فـي رجـاكعطني البرهان واعطيـك الدليـل
في كل مكام مبدع حتى لو تكتب كلمه وحده في موضوع
يصير زين
تحياتي لك ومن جد تعبت واحتارت ايدي وش تكتب لك من مديح

الالــــبــــــــــــــد ،،

أنـا هـنـا بـيـن طـيـات الـجـمـال .. أستمتع بقراءة تلك الباسـقــه

أطيب الـمُــنــى ،،

سـلـمـان الـعـــــــرادي