موارد الجفاف (قصيده اجتازت المرحله الاولى من شاعر المليون)

السلام عليكم ورحمة الله وبركاته









يسعدني ويشرفني مشاركتكم في هذا المنبر الراقي



( منتدى بلي )





من خلال هذه القصيده





كما اتمنى ان تحوز على رضاكم واعجابكم

صدورٍ تضايق لا دنت للمغيب عصير=عسا الله عقب ضيق الخواطر يفرجها
مضالي عشر وأربع بحروة بشير الخير=وخيل الرجاء ما ريحتني وانا اسرجها
يطوف الشهر تلو الشهر والحصان مغير=تنطّح سنينٍ ما تضاحك مبالجها
اصدد حصاني عن ممنت يدين الغير=لعل الكريم وجيهنا ما يحرجها
مذاري بيوتٍ تكره الشح والتقصير=لحقها ملام الوقت يالله تخارجها
سنينٍ توردنا جفاف الثرى بالبير=وردنا وحنا عارفينٍ نتايجها
على الهون يادنيا وش اللي علينا يصير=ضياق النفوس اللي سلبتي مباهجها
قصرتي يد التقدير عن واجب التقدير=وقصرتي بعيدات الخطا عن مساهجها
عزوم الحقير بدرهمه مثل عزم الزير=والاجواد بوجيه الحيا ضاق مخرجها
غدينا سوات الفاطر اللي ولدها ضير= ترزم على بوٍ تحراه يلهجها
الا واهني خفيّف الريش يوم يطير=يعانق مزون الماء وينهج مناهجها
عن إحراجت الطيّب وعن رفقة الشرير=وعن حكاية النمه وحنكة مهرجها
هنيّه ليا صف الجناحين دون مشير=جمع ضيقته لازرق سما الرب واخرجها
هنيّه وانا اجمع ضيقتي بالوطا واسير=وارافق لعقيل العرب مع مرججها
مشاشٍ ضعيف ولا مجمٍ بلا تيسير=وحبالٍ تقصّر عن روانا ندججها
عجزنا نبل حلوقنا دون دهن السير=وعجزنا عن الدنيا والايام وحججها
تدور الرحا والوقت مثل الرحاه يدير=عسا الله لدورات الليالي يفرجها
يطول المجال وبالنهايه مع التقدير=نصلي على نور الحقايق ومسرجها

وسلامتكم

يامرحبا بك عدد حروف القصيد


لي عودة تليق بك وبالشعر


.

هلا وغلا

بالصديق العزيز

والشاعر الجزل : محمد سالم الميهوبي


سعدت بوجودك هنا



والف صح لسانك .. يابو سعد


من عرفتك

وانت

لا تاتي الا بمثل هذه القصيده الشامخه


يالله إن تحييك بين ربعك واخوانك

هلا وغلا
هلا والله في أبو سعد يامرحبا ترحيبه كلها لك
والله يعطيك العافيه على القصيده لرائعه حقيقة وأعجبني

صدورٍ تضايق لا دنت للمغيب عصيـر

عسا الله عقب ضيق الخواطر يفرجهـا

مضالي عشر وأربع بحروة بشير الخير

وخيل الرجاء ما ريحتني وانا اسرجهـا

يطوف الشهر تلو الشهر والحصان مغير

تنطّـح سنيـنٍ مـا تضاحـك مبالجهـا

اصدد حصاني عن ممنت يديـن الغيـر

لعـل الكريـم وجيهنـا مـا يحرجهـا

مذاري بيوتٍ تكـره الشـح والتقصيـر

لحقهـا مـلام الوقـت يالله تخارجهـا

لنا الفخر بمشاركتك بشاعر المليون يا أبو سعد



,

لك التحية من أخوك \\ سلطان

	مضالي عشر وأربع بحروة بشير الخير وخيل الرجاء ما ريحتني وانا اسرجهـا

[COLOR=black][FONT=Simplified Arabic,simplified arabic,tahoma,ms sans serif,verdana,arial,helvetica][CENTER][FONT=Fixedsys][COLOR=darkgreen]اخي محمد [CENTER][/CENTER][CENTER][/CENTER]
[COLOR=black][FONT=Simplified Arabic,simplified arabic,tahoma,ms sans serif,verdana,arial,helvetica][CENTER][FONT=Fixedsys][COLOR=darkgreen]وفقك الله [/COLOR][/FONT][/CENTER][/FONT][CENTER][/CENTER][/COLOR][CENTER][/CENTER]
[COLOR=black][FONT=Simplified Arabic,simplified arabic,tahoma,ms sans serif,verdana,arial,helvetica][CENTER][FONT=Fixedsys][COLOR=darkgreen]راع الحيزاء[/COLOR][/FONT][/CENTER][/FONT][CENTER][/CENTER][/COLOR][CENTER][/CENTER]
[COLOR=black][FONT=Simplified Arabic,simplified arabic,tahoma,ms sans serif,verdana,arial,helvetica][CENTER][FONT=Fixedsys][COLOR=darkgreen]الله معك[/COLOR][/FONT][/CENTER][/FONT][CENTER][/CENTER][/COLOR][CENTER][/CENTER]
[COLOR=black][FONT=Simplified Arabic,simplified arabic,tahoma,ms sans serif,verdana,arial,helvetica][CENTER][FONT=Fixedsys][COLOR=darkgreen]اخوك -ابوفيصل[/COLOR][/FONT][/CENTER][/FONT][CENTER][/CENTER][/COLOR][CENTER][/CENTER]

[/COLOR][/FONT][/CENTER][/FONT][/COLOR]