سريا قلم واكتب وأنا ودي أمليــــــــــــــك ***_وكتب بصدر البوك زين المـــــــــقالي

ودي تسليني وأنا أريد أسليــــــــك ***_ اليا رصد حبرك بيوتآ جـــــــــــــزالي

أنت أول المخلوق نزل الوحي فيك***_على رسوله من عزيز الجـــــــــــــــلالي

أنا القلم حاضر وعطني معانيــــك***_والحبر من صدري على البوك ســالي

أبشر بما ودك ودون وأنا أملــيك***_ليا حصل للي بغيته مجــــــــــــــــــــــالي

ابتجه لله رب الممــــــــــــــــاليك***-اللي على فوق السماوات عـــــــــــــــالي

يالله ياللي حكمه اللكون بيديــك***_ياللي خلقه خفافها والثقـــــــــــــــــــــــالي

ياللي عبادك بطن مكه تلبــــيك***_ترفع يديها وللمغفره تســـــــــــــــــــــــالي

يالله ياللي مالنا غير نرجيــــك***_تهدي شباب المملكه بالكمـــــــــــــــــــــالي

عساه يسلك مع حسين المساليك***_ويقلع عن العثرة وشين العمــــــــــــــالي

حسب حساب إن الأمل مرتبط فيك***_وأنت الشباب اللي عليه لامـــــــــــــالي

طيع الرسول وطيع ربك ووالديك***_وحافظ على خمس الفروض الغـــــــوالي

القبع والبنطال ماهو لهــــــــاليك***_طشه وزين غتـــــــــــرتك والعقــــــالي

تذكر ان الموت امامك وقافيـــك***_ولو طال عمرك مقتفيـــــك الزوالـــــــــي

لاتحسبن الموت غافل وناســيك***_للقبر لابد تشـــــــد الرحالــــــــــــــــــي

يالتاجر اللي بالتجاره نسمــــيك***_لعل مالك مصــــــــــــدره من حلالـــــــي

انت جمعت المال من من كد ايادـــــيك***_والله جمعه المــــال بالحتيــــالــــــــــــــي

تذكر ان الله يميتك ويحييـــــــك***_اللي عليه الرزق والاتكــــــــــــــــــــالي

من الذي يوم القيامه يناديــــك***_ومن الذي يطرح علــــــــــــيك الســؤالي

يسألك واحد عالم في خوافيـك***_مالك عن السؤال الصراحه مجالــــــــــــي

المال زكه وأطلب الله يهـــديك***_لاتقول ينقص بالزكاوات مـــــــــــــــــالي

يامالي المليون ماني مزكــيك***_اخشى زكاتك تنقصك ياحــــــــــــــــــلالي

ودي على بنك الرباوي انربيك***_واصير بالمليار صاحب معــــــــــــــالي

ماتدري ان الموت ماهو بناسيك***_ودك تغادر عن رخيص وغــــــــــــالي

يالله ياراع الملايين تشفيــــــــك***_لاصار ما حصلت منـــــــــــــها نوالي

جميع ماتجمع وماحاشه ايديــك***_يكون ورث للمره والعيـــــــــــــــــــالي

لاجا الضعيف يطلبك تقصر يديك***_أحرمت نفسك وافيات الخصـــــــــالي

إليا نزلت القبر هذي لواليــــــك***_إما سعاده حضا والا نكــــــــــــــــــالي

ياماجد محمد محمد يوصيـــــــك***_يابني ترى غالي يوصيــه غالــــــــــي

العمر روس يوم اصوت واناديك***_معلم عن اللي باقيآ من لـــــــــــــيالي

ابرك لحملي واحمله فوق متنيك***_ترا الثقيلة مالها الا الجمــــــــــــــــــالي

تسلم الاسرة وفسر عن إيديــــك***_خلك لهم بيت الذرى والظـــــــــــلالي

لابد يا ماجد ماسافر واخلــــــــيك***_تمسي لحالك وانا بمسي لحــــــــــالي

سفر طويل ولاتحراني اجيــــــــك***_تحمل الفرقى وخلك بدالــــــــــــــــي

انت مع الاحياء ومابين اهاليــك***_وانا على جسمي تهال الرمـــــــــــــالي

ياماجد اصبر يوم جا من يعزيــك***_خلك جبل ثابت وشامخ وعـــــــــــالي

حافظ على دينك ومرضاة والديك***_تجنب النمه وقيلآ وقــــــــــــــــــــالي

حافظ على مالك على شان يغنيك***_ماينفع الرجال من دون مــــــــــــــالي

اصبرعلى جارك ولوكان موذيك***_خلك قوي الصبر والاحتمـــــــــــــــــالي

لا تاضع العفنه بجانب ابنخيــــك***_وخلك عن العفنه بعيد المنــــــــــــــالي

تكفى ياماجد لايضيع الامل فيــك***_وانت مع الربين جدآ وخـــــــــــــــــالي

وانت جنيها صافي من مصافيك***_اجنيه لافضه ولانته ريالــــــــــــــــــــي

ترى اهل الحيزا خوالك عوانيك***_تكفى ياماجدياعريب الخـــــــــــــــــوالي

وصيتي لامت بعدي تكفـــــــــيك ***_حافظ عليها مع مسار الليــــــــــــــالي

وختامها نطلب من الله يعطـــيك***_العطوه اللي وافيه بالجمــــــــــــــــــــالي

الزوجة اللي تسعدك وثم ترضيك***_يرضيك ربك في صلاح العيــــــــــــالي

صلوا على محمد وزيدوا تباريـك***_اعداد ما تمطر امزون الخيالــــــــــــي

الشاعر\ابــــــــــوخالد الــزويــن