نصيحه

نصيحه

محمود باب النصح وأسرجت الأقلام = لعلها تذّكر من أجيال لأجيال

يا ليت ما بالناس حاقد ونمام = هذاك أبو وجهين للهرج نقال

كم فرق الأخوان وعيال الأعمام = والعم وابناء أخيه والحقهم الخال

وأهل النمايم قطعوا صلة الأرحام = من شب ناره بالخطا يجزل أجزال


هو ما درى أنه ذنب في دين الإسلام = ولو بدله معروف تحمد به الحال

ليه التجافي نتبع العام بالعام = وما فيه شيٍ يقنع الناس ويقال

من شان هذا أسمعوا والنبأ هام = من عاقلٍ وجهتها صوب عقّال

الرجل رجل لربعته درع وحزام = يكبر عن الدوني ولو مرةٍ عال


وش يستفيد اللي جعل ربعه أقسام = إبليس لاكن ساتره ثوب رجال

من أول ما نفترق خمسة أيام = واليوم ما حد يقول لك كيف الأحوال

ليه انتباغض دامنا كلنا أحشام = حضارةٍ ولا طغى زايد المال

ودام بعضّنا بخير في خير وأنعام = والله عطاه الخير وأيدينه أطوال

وين العطوفه للأرامل والأيتام = وإلا على محتاج فيه الدهر مال

يا لادمي لو ثروتك تاصل الشام = وتبني أقصوراً مالها ألوان وأشكال

ما تأخذ إلا من الكفن طية الخام = والمال يبقى وانت للقبر رحال

هذيك لحظه ودها عمل قدام = تفوز فيها ناس وتغر جهال

تغر مخدوعٍ زهت فيه الأوهام = وده يجمعها من الجال للجال

ليله ينامه وأكثر الناس ما نام = في لقمة أعياله أيدور على أريال

يا ناس أنا لو أنصح الناس مانلام = قطاعةٍ تطفح على كل مكيال

نتيجة التحريش بقلوبنا أسقام = مهنه ولا يجي لها غير الانذال

ودي أشوف المجتمع ما به أخصام = نقفل مسامعنا لعاذل وعذال

من شاعرٍ عنده طموحات وأحلام = وجه نصيحه تفتح أبواب وأقفال

ويا الله يا للي بالأسارير علاّم = يا مسقي الأرض المحيله بهمال

تجعل نصيحتنا على خير ما يرام = وعسى لنا في جنة الخلد منزال

الشاعر / فهيد صالح الحمري

صــــح لـــســـان الـــشـــاعر ............

اشكرك يامشعل على مرورك

وأهل النمايم قطعوا صلة الأرحام = من شب ناره بالخطا يجزل أجزال

نصيحة اكثر من رائعة يايو مشاري

كلمة صلة حبذا لو كانت وصل حتى يستقيم الوزن وتقبل اعجابي

جميل واكثر من رائع يعطيك الف عافيه

صح لسان الشاعر المحترم والنعم فيه والشكر للناقل قصيدة رائعه