ليه أنحصار الفكر00؟

الملف الشخصي · 12-23-2007, 04:28 PM

ليه أنحصار الفكر ليه أنحصاره=هيا نسوقه فوق بالعرف والراي
واجب علينا يعتدل في مساره=ماتقبل الافكار بايع وشراي
هذا مراد النفس وهذا قراره=أروي عطش بالفكر يا صافي الماي
دام الضمير الحي فوق اعتباره=في داخل الوجدان ما تقصر خطاي
يبقى الامل بالنفس ماخذ مداره= روح الامل بالله يازمرة عداي
الطيب والمعروف عندي تجاره=وأنا زرعته يوم من فضل مولاي
كاسب نباء ماخاف يوم انكساره=أجمل نباء والنعم دربي وممشاي
من يصنع المعروف يبني سفاره= سفيرها الاخلاص من خير مبداي
ولا همني والله ربح وخساره=الربح ربح الطيب والعلم طرياي
الله عطانا دين وأفضل حضاره=حضارة الاسلام موطن ومرباي
يبقى الوطن معروف أرض ومناره=واجب علي أرويه حبي مع دماي
أنا بلوي معروف دايم شعاره=طاعة ولي الامر بيعه من هداي
الله امرنا في صريح العباره=نبذل من المعروف لأخرى ودنياي
فكراً يموت وفكر فيه أحتضاره=وفكراً يفيد الجمع له ماضي وجاي
هذا رصيدي وأستطيع أحتكاره=من ماضي الايام فعلي بيمناي