الموقف الصعب .... رائعة من روائع (ناصر الجبيل).......

اقدمها لكم مع سلام شخصي لكم منه وعذر على غيابه عنكم لضروف خاصه....

الحصيله بعد كد سنين..كد سنين..ماهن مترفات=لدت عيوني على الميزان ويش اللي وضعت بكفته
واتذكر..واتذكر..واتذكرلين شفت المظلمات=وشفت (.....)فوق الاكتاف ربعه في قماشاً لفته
وشفتني بالأمتحان الصعب ..قلت يالله الثبات=وقتها مايفيد الآدمي لويعض من الندامه شفته
وشفتني سكران والعالم سكارى تركض فكل الجهات=والحنونه من حشاها ولدها..ولدها..ولدها دفته
وشفتني بالموقف الصعب واقف والنواظر شاخصات=واحضرن كل السجلات مابه شي واحد خفته
وطاحت دموعي من عيوني ولاحسيت طعماً للحياة=وقمت الوم النفس..الوم النفس ليه النور عني طفته
من هنا كلنت بداية قصة الملح والسكر نبات=قصة اللي في يده تحديد ساعة زفته
كان فيه انسان.. فيه من الصفات..احسن صفات=مغرماً بالبحر لكن ماتعدى ضفته
كل ماينوي ونفسه جت بسبع مبررات=لين طالت من على شط الاماني وقفته
من طموحه مقنعه صومه .. وبذله..والصلاة=مايبي لو يذكرون الحق ساعة رجفته
آآآآآآآآه ياسنيناً مضت..وسنين باقي مبهمات=منتظر ضيفاً..جميع الناس قبلي عرفته
ان لفاني ياخذاني.. ياخذى غالي وفات=ضيف مامر البشر زاير يمر بخفته
يالله انك مد عمري لاتعجل بالممات=لين مالميزان ترجح بالمحاسن كفته

صح لسانه ويعطيك العافية على عرض القصيده
ابو يوسف ما حنيت للطائف وربع الطائف
ماحنيت لوادي جليل والبهيته
تحياتي لك

( الأول )

(( أضبط الفنجال وأرجع ))


شكراً يا رجل

ابو يوسف

صمتي هنا يعبر عن حظوري

ما اقول ومهما اقول فلن اوفيك حقك

رائع ما نقلت لنا وسليمت يمينك

ابورزان
شكرا على مرورك
الطايف راحت ايامها الحلوه مع اهلها
ذكرني تراني ناسي

ابوشاهر
عطرت المنتدى بتواجدك الدائم فيه
متى العوده الى ارض الوطن؟؟؟؟
سلم لي على ( ش ا ه ب ي ........ ا)
حل اللغز بس لاتفضحنا يرحم والديك