يسرق و محمي تحت بند المناعَه

كنز(ن) و يفنى في زمنّا القَناعَه=عند الوزير اللي يغير قِناعَه
يحسد و يطمع في حقوق المواطن=ضيق المواطن للوزير الوساعَه
نَفنَى و يبقَى في وطنّا وطنّا=حِنّا لولاة الأمر سمع(ن) و طاعَه
لكن تأمّل خادم الحق و احكم=هل المواطن في إيديهم بضاعَه ؟
أكرمت شعبك في أوامر كريمه=أفرحت شعبك يوم الإعلام ذاعَه
حافز لعاطل صارله حَلْ مُنقذ=وإلا سراب(ن) تاه مِنْه إتّباعَه
جاك الوزير و قام يفتي و يفتي=ياكل و ياكل ثِم قال إنطباعَه
يَمرَح بقصر(ن) صعب وصفَه و وِدّه=بيت المواطن قبل يُبنى إبتلاعَه
أخطر نفاق(ن) من منافق ينافق=لمّا يلاقي من يحب إستماعَه
أغرب حرامي في وطنّا نشوفه=يسرق و محمي تحت بند المناعَه
والله لَوِ إنّه يملك الكون كِلّه=ماغير قبر(ن) لاتوفّى إستطاعَه
يَلقَى حسابه مِنْه ياخذ جِزاتَه=باع الضمير وينسئل ليه باعَه
حِنّا نحبّك يابو متعب نحبّك=إنت المليك اللي عظيمه طباعَه
نطلب من الله يرزقِك في بِطانه=تِصلح تداوي في وِطنّا إنوجاعَه

المواطن



خالد البلوي

هلا وغلا/ ابو ريما

لقد أبدعت في حب الوطن والملك

كل ماقرأ لك أرى نضجاً لفكرك وحباً طاهراً في قلبك

رحم الله والدك ياخالد

والله من الناس الذين أثرت فيهم شخصيتة المحبوبه وطيبة قلب والدكم رحم الله وأسكنه الفردوس الأعلى من الجنة

دمتم بحفظ الله

صح لساااااانك أبو ريما

إلى الله المشتكى

بارك الله فيك يا ابو ريما 0 صح لسانك بعض الوزراء كأن المواطن ياخذ من ماله ياليت خادم الحرمين يعلم بسوالفهم

صح لسانك ابو ريما

صح لسانك ولاهنت يابو ريما