ضيدان بن قضعان وطيرة

ضيدان وطيره

شاعر المعروف ضيدان بن منصور بن قضعان اشترى طير وكان اسمه عند صاحبه الأول دهام ثم أطلق عليه ضيدان اسما جديدا هو فواز لغرض شخصي وعندما أراد ان يعشي الطير ناداه بأسمه الجديد فواز فواز ....

فالتفت إليه الطير وقال:

انا اسمي دهام ماهو بفواز=اما ادعني يا دهام والا بلاشي

ما هوب بحق تغير اسمي بلا ارماز = وانا عذاب الخرب لااقبلت حاشي

فرد عليه قضعان :

لعيون بعض الناس سميت فواز= اسم يشابه لاسم يصعب المناشي

اللي غلاه بثومة القلب حزاز =تقبل له طعوني وتقفي عطاشي

فرد الطير:

ما ارضى تسميني عليها ولو جاز =تغيير الا بذبح الاكباشي

اذبح تميمه واقلب الاسم فواز=اذا ذبحت الكبش ما صار ماشي

فرد عليه ضيدان:

قلت فواز تكفى فكني بتلعواز=الحل عنديواسمع العلم كاشي

لازم تشوف اللي لها القلب ينحاز = عقب(ن)تجي فواز ولاشلاشي

فرد الطير:

يالله مشينا والعمر يبغى انجاز=ياما نجز بالهدي ولا عراشي

قم جهز اللي ذاخرينه وممتاز=وعلى الطلاق ان عزبته على معاشي

وعندما وصلى الى التي سمي الطير عليها شال ضيدان البرقع عن الطيروقال هذي اللي سميتك عليها فقال الطير"

انا اشهد ياابن قضعان اني فواز=واني بعد فواز جاني خراشي

يا حظ قلبك يوم في بحبها حاز=كحيلة ما عاشرت كل لاشي

ياليتني رجل او ماامشي بمعكاز=وانخاك وانخى مبعدين المعاشي

وانهض لطيف الروح واجلاا لشيراز=واقضي بقايا العمرما احتر جاشي

في شرع ابن حنبل بتاكيد ابن باز= معروف راعي الحب قلبه هشاشي

وانا لوصل ملوع الشيخ معتاز=اعوز من فراق سبوق الرواشي

ابا اتمنى والتمني به الغاز=ياليت جنحاني لخلك فراشي

او ليتني بيجر على الورك هزاز =والا قلم بين الجسد والقماشي

الشاعر ضيدان ابن قضعان

فايز ابن رويحل

قصيده رائعه لشاعر ضيدان بن قضعان

اتنمى منك تنسيقها

دمت بخير

يعطيك الف عافيه يابن رويحل

يعافي روحك ابن الجزل

تسلم يمناك [blink]يابن رويحل [/blink] على القصيده

وصح لسان الشاعر ضيدااان

حياك الله ياياسر بن حمدان
ولاهنت
تحياتي ومشكور على المرور