الشمس عذراء

الملف الشخصي · 05-20-2008, 01:36 AM

سلام تسليمة وفاء تشرح البال=تلفي لابو صالح وهذا وعدها
من هاجسا وسط الحشاء يشعل اشعال=مثل البروق اللي سمعنا رعدها
اللي ارعدت زلزل على الارض زلزال= ماءه تنثر والغضب في بردها
ماباقي وادي على الارض ماسال= تحي العدود وكل ضامي وردها
اب انشدك علم على كل الاحوال= بنت الهلالي ويش سمو ولدها
ان كان ماسموه عاشت بغربال=وتنكدت وهو السبب في نكدها
يالله عسى ماتذكر بخير الانذال= اللي شبع من نعمة ماحمدها
الرجل ماسموه ابو ثوب وعقال=الرجل يعرف في مواقف شهدها
الشمس عذارء والقمر صار رجال=واضحت كما الحجه مضيع سندها
وجهت للمغرب واهللك ياهلال=والشمس غابت واشرقت في بلدها
الى ورطت اجيك للعقد حلال=ماني غشيما يبتلش في عقدها
واوصيك عز النفس لون القدم مال=قول المثل من عز نفس وجدها

تقبلو تحيات اخوكم الشاعر/ سالم بن صالح القرعوطي