قصيده بين بائع وشاري

	لاتغرك الدنيا ترى مالها ساس = لابد ماتجري عليك الجواري لابد ماتلعبك اخماس وسداس = وتصير سلعه بين بائع وشاري لو زانت الدنيا لها اشكال وجناس = ماتنومن سود الليال الضواري تضحك لها ناسا وتبكي لها ناس = ولااحدا على صكات بقعاء يماري تطحن لها بسنون وانياب وضراس = وجنوبها فيها البلاء والعزاري طوت لها ناسا تقل طي قرطاس = كم واحدا فيها من العقل عاري كمن شبيبا شاب صدره مع الراس = وعقب السنود يصير مشيه حداري راحت بناسا فوق الاكوار جلاس = ماتقل يوما حومو بالصحاري حتى الغصون تصير صفصف ويباس = وتذرى عليها من الهبائب ذواري وان عشت ياابن ادم مردك للامكاس = اما الهرم والا المصير المباري لما يجيك الموت قطاف الانفاس = وتبعد عن الاحباب غصبا جباري لو تملك الاموال والدر والماس = الموت مايعرف فقير وتجاري الموت ماوفر ملوكا وفراس = العلم واضح في صحيح البخاري ومن لاقضى وقته بتقدير وقياس = تلعبه الاحداث لعب الهواري قلته وانا شاعر ولي فكر وحساس = ومرت علي من الليالي تواري

مرحبا بشاعرنا القدير ابو عاطف

غايب لك مده ماشفناك 0 عسى ماتغيب بشر

الله يمسيك بالخير والمسرات 0 واقول صــــــــح لسانك شاعر متمكن جزل 0 قصيده مليئه بالحكم

ولايستغرب منك الجزاله والحكمه 0 وفقك الله يابو عاطف

وتقبل تحياتي وتقديري

وكل عام وانتم بخير

ولاتطول الغيبه

الشاعر الكبير
وشاعر المحاوره المعروف
عبدالكريم الصويدر
هلا وغلا ولاهي غريبه منك قصيده بهذا المستوى
كلها حكمه
بيض الله وجهك
شاعرنا الغالي
وتقبل
مودة اخوك
عبدالله الوحيشي

أبو عاطف
صح لسانك مدد بلا عدد

قصيده شامخه مثل شموخك

كلها درر وحكم

ولله درك

وكل عام وأنت بخير

الشاعر القدير|عبدالكريم صويدر


بيض الله وجهك على القصيده الرائعه

ولاهي غريبه من شاعر متمكن


صح لسانك

اخي الشاعر الكبير /عبد الكريم

قصيدة تحمل الحكم والعبر

شاعر كبير مثلك لا غرابة ان يهدي لنا درة جميلة

تزين الصفحة وتجعل القارئ يقرأ الشعر الجميل

تسلم على هذا البوح الراقي

دمت ودام قلمك