مشاركتي في حفلة زواج عبد المجيدعطاالله دبي ابن رويحل

تحية ازكى من عسل في مناحله=ومن عود جاوي لا لفا الضيف فاح له
تحمل شذى الورد الشمالي بتربته=وذاك النسيم اللي يداعب سواحله
وهيل الدلال وبنها وزعفرانها=لا شمها الضرمان من فوق راحله
غنى بها لساني على مجمع الملا=يوم انتشا هاجوس فكري وباح له
في حلة اهل الطيب والفخر والوفا=والنعم لا قلنا هذولا رواحله
مكرمين الضيف ذباحة البل=صغيرهم لا جاله الضيف شاح له
يقلط على عز وكرامه وشيمه=في مجلس(ن) طول الدهر يستراح له
فقيرهم لنه لفى الضيف يفرحه=ويزعل اذا ضيفه بدا له يماحله
مداتهم تشبه لهمال غيثه=يطلع نبات الارض لو هي قاحله
يشد له راع الحلال بحلاله=وترتاح نفسه كل مالبرق لاح له
رجالهم يكسب مراجل بصغره=من صغر سنه والمراجل وشاح له
شجعان في وقت الملاقا خصيمهم =يلقى الغضب بيدين صارت مطاح له
يشفو غليل اللي نخاهم وجو له=ولا احد يتوخر لا سمع صوت صاح له
قضاة حق محكمين الأشده=ماشاط راعي حق من حق راح له
وهذا قليل اللي كتبته بحقهم=هم اكبر من الشعر الجزيل وفطاحله
ومبارك لعبد المجيد بزواجه=وجعله عسل مثل العسل في مناحله
قول : السميري والعذر والسموحه = والله يديم أفراحكم يالرواحله

* فالح الســـــميري

الشاعر / فالح عايض السميري

صح لسانك ولاهنت يالجزل .

وكل عام وانت بــخــيــر

صح لسانك يا بو عايض

لاهنت على هذه القصيدة الجزله ويستاهلون هالابيات الطيبه منك

والله يتمم للعرسان بخير

*

أبو عمر

ألف صح الله لسآنك وطيب فالك , وألف مبروك لـ عبدالمجيد إبن رويحل

وكل عآم وأنت بخير وأقرب إلى الله

الله لا يهينك ياسعود السحيمي

وتقبل شكري على مرورك الرائ

ع

صح لسانك يالغالي
ابدعت ويستاهلون الرواحله
قاف فالح السميري