تخسى والله وتعقب<<<قويه

من وجة نظري المفروض انها أسآسآ ماتحضر ولو حضرت المفروض تتحكم بعقلها دون عواطفها

بس والله أحس انها قويه ويستاهل الزوج والله قهر

هلا وغلا هو شي يقهر ويعين اللي بيعرس عليها زوجها وفعلا فوق القهر بتروح وتحضر مسويه انها قويه احس مال امها داعي من جد بس بعضهن مسويه انه مايهمها وبطقاق اعرست والا غيره انا بغني عنك ماتدري انها بتضر نفسها اكثر وش كسبت من كل هذا خسرت عشره الاف وكسبتها الطقاقه وخسرت نفسها وخسرت يمكن بعد زوجها وكسبت الزوجه الثانيه

قال تعالى : (فانكحوا ما طاب لكم من النساء مثتى وثلاث ورباع فإن خفتم ألا تعدلوا فواحدة )

وبعدين التعدد له فوائد كثيره اولها هي القضاء على العنوسه وامور اخرى كثيره تخص الرجل ..

واتمنى من الموحدين النظر في هذا الوضع لانه لايحلها الا انتم الله يعينكم ..

قصه مضحكه الصراحه مرأه غير رزينه غير واعيه تتحكم عواطفها بها وفي النهايه اخذ الرجل زوجته الثانيه ومشى وخلها ترقص وتطلب اغاني من حالها لين يطيب خاطرها .:d ههههههههه...

ونصيحه لكل مرأه يبي زوجها يتزوج عليها لاتزعلين وخليه يتزوج ولا تحاولي تسوين اي شئ يغث زوجك لانك على شفا حفره انتبهي نصيحه مني بارك لزوجك وعطريه وبخريه وزينيه ماراح تخسري حاجه هو متزوج متزوج والزعل ماجاب حل والا نتيجه للزعلان لابد من تفهم الموضوع بأي طريقه والسلام عليكم ورحمة الله وبركاته ...

شــــروق الامـــل .,.

دائما مشرقه بمواضيعك المميزه ...

وفقك الله ...

هلا وغلا محمود
عاد انت من موضوع الزواج من المغرب وانا حاسه ان عندك نية عرس الله يعين

انا معاك في كل كلامك الا انها تبخره وتعطره يوم عرسه معصى والله مايسير عمره ماتعطر
يااخي بيعرس كيفه, ولكن يعذب حرمته ومايراعي مشاعرها والله عاد ماعنده ذوق والا احساس
هذا يبيله تبخره بجاولي بدل العود

الله يوافقك ودائما اللقى ردودك مشرقه بعد بطيب خلقك

كلامك عين الصواب بس ملاحظه على بعض كلامك مثلآ ابارك له وعطره وبخره فهذا مستحيل لانه اهاني بزواجه وأكرمه بتعطيره وتبخيره هذا مستحيل اما انا لاابخره بحلتيت ومره

[/quote]

هههههههههههههههههههههههه

فدييتك حلتيته ومره لا عزالله راح فيها

في بـآديء الأمـر / أمسي على جميع الأخوة والأخوآت في

مـوقع بلي الرسمي وأتمنى لهـم قضاء أجآزة سعيده ..!

هـذآ المقـطـع انتشـر في الجوآلآت ومن يدقق ويركز في المقطع يدرك

تمـآمآ أنه مـلفـق وفي جلسه خآصة وليست في زوآج ...!

امـآ نقول لو كـآن هذا الكـلآم صحيـح فآلمرأة التي تقول لزوجهـآ

{ تـخسى وتعـقـب } حتى لو كآنت ليست لها الكلمات فهي أنتقـت

هذه الكلمـآت لزوجهـآ فهذه زوجـه { سلـيـطـة لسـآن } ونبـآرك للزوج زوآجـه

عليهـآ لأنهـآ تستآهل ذلك وأعتقـد أنه رجل وسيع بآل الي متحملها ..!

امـآ تـوآجـد الزوجـه لزوآج { زوجهـآ } فأعتقـد انهـآ حريـة شخصيـه هي من تحدد

التوآجـد من عـدمـه وفي الحآلتين يدل على رجآحـة عقلهـآ ..!

يعـطيك العافيه اخت / شرووق الأمل ..!

تقبل تواضع توآجـدي ..!

هلا وغلا عبداللطيف

كلامك منطقي لا احد يقبل بعض الالفاظ مهما كانت المشاكل التى

تقع مع الزواج الثاني ولكن تبقى المرأة لا تتحمل شريكه ثانيه

وتحاول ان تبعدها عن زوجها ولو كان على حساب حياتها

والبعض يااخذه تحدي والبعض ممن يضعف لديهن الخوف من

الله يعملن السحر حتى لا يتزوج عليها ويخرب زواجه

شرفني تواجدك مهما كان في نظرك

حياك الله / شروق الأمل

لوسمحتوا ياشباب مين يقول لي إيش معنى هذا الكلام

{,تحسبني بقعد بلحالي استنى جيتك ياأناني ,تخسى والله وتعقب}

دمتم بحفظ الله

هلا وغلا مرزوق

لا ندخل في التشكيك بالاخلاق المرأه مهما كانت تغاااااااااار على زوجها ولا تتحمل زواجه من اخرى هذا امر طبيعي

اما بالنسبه لكلمات الاغنيه انا معاك انها قويه ولكن هي ربما تقصد مدام انك تركتني ماراح انتظر رجعتك الحرمه مجروحه والمجروح مايدري وش يقول مثل الطير المذبوح اللي يفرفر من حلاة الروح والواحد بعد مايهدى يسترجع اللي صار ويقول معقوله انا سويت كذا وبعض المواقف تكون صعبه على بعض الاشخاص يالله يستوعبونها خاصه المرأه المغروه واللي متوقعه أن زوجها مايتزوج عليها يكون زواجه طامه كبرى

تصدق يا أبو ثامر من البارح محيرني هذا الكلام و نفس التساؤل الذي سألته ،

أقول هي وش تقصد ،
يمكن كلمات الأغنية كذا ( طبعاً تعرفون كلمات الأغاني ما لها موانع شرعية _في نظرهم -)،
يمكن تقصد تعزم جاراتها و تتونس معهن ، أو تزور أهلها .

يمكن يا أبو ثامر ، يمكن ،،

و الموضوع بشكل عام ، ما قصروا الأخوان و الأخوات أعطوه حقه

فعلا كلمات الاغاني ليس لها ضابط او موانع شرعيه