محافظة الخرخير بالصور ( صحراء الربع الخالي ) ..

السلام عليكم ورحمة الله وبركاتة ..

محافظة الخرخير اكيد كلكم تسمعون فيها بس ماتعرفون عنها شي ..

العام الماضي كنت مدرس بالخرخير الصراحة المكان إستثنائي وغريب بكل متحمل الكلمة من معنى من ناحية الموقع والسكان ..

الخرخير تبعد عن نجران 950 كم وعن شروره 501 كم ومالها طريق إلا عن طريق شرورة ..

الخرخير محافظة تقع بوسط صحراء الربع الخالي قريبة من الحدود العمانية وايضا قريبة بعض الشيء من حدود الإمارات تسكنها قبيلة المهري والمنهالي بعضهم سعودي وبعضهم معاه جنسية اماراتية وبعضهم عمانية وبعضهم يمنية والاكثر بدون جنسيات معهم تصاريح بس اكثر السكان يعيشون حالة صعبة من الفقر ..

اتركم مع الصور ابلغ من الكلآآم ..


بداية الطريق من شرورة الى الخرخير 501 كم الطريق مافي ولا محطة بنزين ولا جوال لا موبايلي ولا اتصالات ولا زين يعني عبي التانكي وخذ جركلين بنزين بالشنطه عشان تعبي بالطريق ..






الطريق يشق صحراء الربع الخالي من الوســط ..





مجموعة صور للخرخير من الطريق قبل الوصول لها لا تشوفون البيوت كثيرة تحسبونها كبيرة تراه شارع واحد يشقها من النص والبيوت جايه يمينه ويساره واغلب البيوت صنادق














هذا صور لمكان بالخرخير اسمه مخيم المهره فيه اكثر من 80 خيمة تسكنها قبيلة المهره ( المهري ) ..







هذي مكتبة الخرخير من هنا نصور التحاظير يابومااااهر





صورة من شباك المدرســــة ..





وفي النهاية هذي صورة البيت اللي كنا ساكنين فيه غرفتين وصالة ايجاره الفين ريال بالشهر وبحب الخشوم نزله راعيه لـ 1800 ريال بالشهر ..







قبل اختم الموضوع من ميزات الخرخير :
للعسكري تُحسب الخدمة السنة بسنتين وبدل نائي ( مافي عسكر غير حرس حدود وامن فقط .. جيش مافي )
للمدني بدل نائي 9 % على الراتب 15 راتب بالسنة يعني نهاية السنة تاخذ ثلاث رواتب يسمونها مكافأة خدمة بالخرخير ..

يعني اللي بيطلب نقل يشد حيلة ويتشجع


اتمنى ان التقرير نال إعجابكم تحياتي للجميع ..

كان الله فى عونهم

والله يعطيك العافية على هالصور والتقرير

تقرير رائع جدا عرفتنا على محافظه نسمع بها فقط

وحمدا لله على السلامه والله اثريك متعني يابن اخي ههههههههههههههههههههه

وحنا متبطحين على البحر ومسوين زحمه بعدين عن عربنا الله يعين

بس والله يابو بشير حلوه خرخير بس راح تبقى بالذاكره السنه هذي الله يعين خوياك اللي مانقلوا ههههههههههه اللهم لاشماته

ههههههههههههههههههههههههه



وفقك الله اخوي ممدوح ..

الله يعطيك العافية على التقرير
والحمد لله انك طلعت من هالديرة بخير وسلامة
بس عساك نقلت عند اهلك ؟

الحمد لله على نقلك من هذا المكان
هذا حال المعلمين يابوبشير

لكن ما ضاقت الا ما تفرج

شكرا لك على النقل الرائع
تحياتي لك

عزيزي : مخاوي الغربة 0 الحمدلله على السلامه انا ما اقبل تقريك انت مدرس

والتقرير ليس على المستوى المطلوب 0 ولايليق منك 0 سنه كامله بالخرخير وتجيب لي صورتين وكلمتين 0 والله وليدنا عواد اللذي بثاني ابتدائي لو راح معك غير يجيب علوم الديره واهلها احسن من تقريرك

وين صور السكان0 وبعارينهم وعاداتهم 0 وعزايمهم لكم

ونظرتهم لكم كسكان جدد وطريقة زواجاتهم 0 ماشفنا بالصوره مسجد

والا ماعندكم صلاه؟؟؟؟ ماذكرت المرافق الحكومية 0 والا ما احد يمرض عندهم !!!!! والحرايق من يطفيها خاصه بيوتهم صنادق 0 و كيف شرب الماء وتأمينه عندهم 0 اذا حصلت مشكله
بينهم من يحلها هل هناك شرطه او اماره
وليش ماخطبتم من بناتهم بما انكم عزوبيه

لازم ترجع لهم وتصور من جديد 0 انت منقول بالواسطه