يا شينين اتركوا الفسقه عنكم و عيدوا و اعبدوا ربكم يا ناس يا اوادم

السلام عليكم يا ربعنا
يا زين البل زيناه لي اسبوع غايب عنكم مع البل ما غير احلب و اشرب و سوالف مع السوداني يا زين الواحد لاختلا مع نفسه

سوالف طول الليل و نصلي مقسوم الله ثم ننام و يصحينا على السحور جمريه و لبينه و حليبه و الصباح نوم بغار له برااااد مثل الفلاااجه و العصير تحت ظل الوايت و تفتح بزوز الماء تخليه يقوطر على راسك

يوم رجعت لتبوك الا و الدنيا متغيرره زحمه و الناس نفوسه بخشمها و الاسواق ملياانه حريم و رجال و بزوره و شباب يا الله المصلح ما ادري العالم هذي ما عندها هدووووم الله يرحم زمان اول كان الواحد و الوحده يعيدون في هدومهم اربع سنين متواصله ما يغيرونها هالحين فستنا غير و كندره غير و اكسسسوارت ما ادري ايش

ليه كذا بس مصاريف ووجع راس و زحمه ما احد حتى يتعبد ربه مثل المسلمين طيب لييييييه ما تقضون ملابسكم بدري لييييييه الزحمه و المخانق و مصادم سيارات و تفحيط و ما دري وشو و يوم يشترون ملابس و يوم يغيرون و يوم يبدلون هذا مقاسه صغير و هذا طووويل و هذا عريض و هه للخياط تقيف هدووومها


ما احد عيد غيركم يا ناس الاودام في البلدان الثانيه ما هم مثلنا اعوذ بالله مشافيع على كل شي قبل رمضااان مواعين و اكل و بعدين العييييد و بعدين الزواج وووو الى اخ الى اخ الى اخ

وفروا فلوسكم ووقتكم و صداع روسكم


لا و اللي باااط كبدي هاليومين مووووضه الجوال المعلق على الرقبه تقول جرس معلق له بخروف ايام الجرس و الغنم

لاا و تجلس بالمجلس الواحد تشوف العجيب هذا مدنق على جواله و هذا يضحك لحاله تقل مهبول و هذا يهاوش
و هذا ماد سلك براسه لااا و مجاكر بالجواااالااااات هذا بلووك بيبري ما ادري بلاك فيري

و هذا سنكرس و هذا جااالكسيي و هذا باد و هاد و اييييفون مجاكر كل واحد جوالي احسن من الثاني و ادفع يااا عواااد و تسلف يا عووووده و المراه ودها مثل الرجل ما هي احسن من فلااااانه و فلاااانه ما احسن من صيته
و هاااتك دفع فلووووس و بالنهايه شعب طفرااااااااااااااااان
الله يرحم يوم كان جوال المملكه احسن جوال
جواال ابو كشاف و الحق اهلك
يا ولد وش صاير بالدنيا

يا ناس خوفوا ربكم وصونوا النعمه لا يصير بكم مثل ما صار بالصومال

اسراااااااااااااف و مجاكره

دس قرشك الابيض ليومك الاسود كيف ودكم تعرسون يا شباب كيف ودكم تعمرون لكم بيوت يا رجال


انتهى .نقطه


------------->
مستقطفات


واحد = حليب الخلفات لراعي الاربعات يخليك سنافي

اثنين = يقول الشاعر واهني اللي قلبه من الهم سالي

ثلاثه = ضرب الحبيب مثل جرش خبز المليله

اربعه = وقت الهرس ما فيه درس



---->

اسعله مهمه

واحد اعرب ما تحته خط

اثنين استخرج من الماضوع كل الاخطا الاملائيه

ثلاسه ماذا وكيف استفدت من الماضوع

اربعه سيارة ابوك مقربعه

خمسه ضع عنوانا اخر للماضوع

سته اعد قرايه الماضوع مره اخرى و استخرج جمله مفيده واحده و اعربها

سبعه ما معنى كلمة لبينه اللي وردت بالماضوع
ثمانيه اصعب اسئلتي و الا اسئلة بنت الحلال شروق الامل



فتكم بعافيه
مع السلاااااااااااااامه

عوداً حميداً اخيراً عرفنا سبب غيابك والا يخوفي انه مو البل الا في السوق تراقب الاوضاع

انت شفت الزحمه كيف سايره الله يعين اللي عنده عائله كبيره

ياحليل اسئلتي عند اسئلتك ترا صعبه من جد وخاصه الاعرابات مالي فيها

وايه ياحزم الجلاميد -وصار ضرب الحبيب مجروش جرش المله

بالنسبه للاخطاء الاملائيه لا توجد كل مافيه اخطاء بعدم الوعي والتبذير

كل الموضوع يحتوي على جمل مفيده تستاهل الاعراب والوقوف عليها

يعطيك العافيه

[font=courier new][size=5][color=navy][b]ماشاء الله على موضوعك ذا عشره ضربوا واحد ههههههههههههه قصدي في واحد ذكرتني بالشامبو المهم
[font=courier new][size=5][color=navy][/color][/size][/font]
[font=courier new][size=5][color=navy][b]وفروا فلوسكم ووقتكم و صداع روسكم [/b][/color][/size][/font]
[font=courier new][size=5][color=navy][/color][/size][/font]
[font=courier new][size=5][color=navy][b]درر الصراحه ^^ يسلم بؤك [/b][/color][/size][/font]
[font=courier new][size=5][color=navy][/color][/size][/font]
[font=courier new][size=5][color=navy][b]احلى شي بموضوعك هالجمله هذي ههههههه امزح [/b][/color][/size][/font]
[font=courier new][size=5][color=navy][/color][/size][/font]
[font=courier new][size=5][color=navy][b]وبعدين خل الناس تعيد وتستانس ويشترون كل شي جديد [/b][/color][/size][/font]
[font=courier new][size=5][color=navy][/color][/size][/font]
[font=courier new][size=5][color=navy][b]وكل عام وانت طيب [/b][/color][/size][/font]
[font=courier new][size=5][color=navy][/color][/size][/font]
[font=courier new][size=5][color=navy][b]عاد شفت الزحمه هذي كلها اللي صايره الحين واللي يشتري ........ الخ [/b][/color][/size][/font]
[font=courier new][size=5][color=navy][/color][/size][/font]
[font=courier new][size=5][color=navy][b]يوم العيد نصهم نايمين :d:d:d ههههههه[/b][/color][/size][/font]
[font=courier new][size=5][color=navy][/color][/size][/font]
[font=courier new][size=5][color=navy][b]والله مشاكل عندي لك نصيحه خلنا نروووح نعيد هناك عند البل ابرك لنا من هذه القروووووووووشه << لغه عربيه ايش تعرف هههههههههههه[/b][/color][/size][/font]
[font=courier new][size=5][color=navy][/color][/size][/font]
[font=courier new][size=5][color=navy][b]كل عام انت وبلك والسوداني بخير وطيبين ان شاء الله [/b][/color][/size][/font]

[/b][/color][/size][/font]

يا ابن الحلال خل الناس تعيّد وتفرح وتعيش يومها وتشتري جالكسي وآيفون ,, ما أنت دافع من جيبك شئ "

والله العيد مايحلى من غير ماتشوف فرحة اللي حولك من اطفال وكبار

لكن بنفس الوقت ماننسى أخوان لنا ذبحهم الجوع والعوز

ينعاد عليكم بالخير

وموضوعك من ناحية الإعراب صلة موصول لا محل له من الإعراب ,, تصرف نفسها


يعطيك العافية وعساكم من عواده

دمك ساير عسل مع العشر الأواخر

أما الزحمه والله انك صدقت شيئ مقرف

تقول العالم هذي وينها قبل رمضان " الحمد لله ملابس العيد من شهر سبعه
بالخزاين
ارجع للنويقات ودقة الحنك مع الزول ازين لك

شكرا لك وألى مزيد من الغضاير

الله يعطيك العافية على "الماضوع" على قولتك
والحمد لله على السلامة
انت بس توك جاي من مكان كله هدوووء وفـجأه طبيت بالبلد وتلاقي كل خلايا جسمك تجمعت بشعرك من الخرعه
كله كم يوم وتتعود على الوضع وراح تشوف ان ما فيه زحمه
اما اعرب ما تحته خط كثر منها هههههههههههههههههههههه