ياذيب انا بوصيك لاتاكل الذيب ....

السلام عليكم ورحمة الله وبركاته


هذه قصيده شالح بن حطاب بن هدلان من قبيله الخنافره من قبيله آل محمد القحطانيه بعد ان جاءه خبر وفاه ابنه ذيب....
وكان ذيب بار في ابيه جدا جدا جدا .....القصه:- راح ذيب هو واخوياه وكان قائدهم وكان عددهم لا يتجاوز الـ 15 رجل
قال ذيب حنا رايحين لقبيله عتيبه علشان ناخذ منهم ابل لااهلنا وقال لازم اجيب لاابوي اجود انواع ابل عتيبه ...
ويوم راحوا يشربون من بير عتيبه لقوا سقاه من قبيله عتيبه واختبئوا ذيب واخوياه علشان مايشوفونهم ....
وكان هناك قناص من قبيله عتيبه شافهم وتابعهم واطلق عليهم بالبندق وجات الرصاصه في ذيب فكان هذا يومه
فحلت على ابوه اكبر مصايب الدهرفقد ولده البار فقد الكرم الحاتمي فقد النخوه والرجوله ومن القهر ساق هذه الابيات لتقطر من قهر شالح وتقول:-


ياربعنا ياللي على الفطـر الشيـب=عز الله انه ضـاع منكـم وداعـه

رحتوا على الطوعات مثل العياسيب=وجيتوا وخليتـوا لقلبـي بضاعـه

خليتـوا النـادر بـدار الاجانيـب=وضاقت بي الافاق عقـب اتساعـه

تكدرن لـي صافيـات المشاريـب=وبالعون شفت الذل عقب الشجاعة

ياذيب انا بوصيك لا تاكـل الذيـب=كم ليله عشـاك عقـب المجاعـه

كم ليله عشـاك حـرش العراقيـب=وكم شيخ قوم كزتـه لـك ذراعـه

كفه بعدوانـه شنيـع المضاريـب=ويسقي عدوم بالوغى سـم ساعـه

ويضحك ليا صكت عليه المغاليـب=ويلكد على جمع العـدو بااندفاعـه

وبيته لجيرانه يشيد علـى الطيـب=وللضيف يبني في طويل الرفاعـه

جرحي عطيب ولا بقى لي مقاضيب=وافخت حبل الوصل عقب انقطاعـه

كني بعد فقـده بحامـيي اللواهيب = وكني غريب الدار مالـي جماعـه

من عقب ذيب , الخيل عرج مهاليب=ياهل الرمك ماعاد فيهـن طماعـه

قالوا تطيب وقلت: وشلون بااطيب=وطلبت من عند الكريـم الشفاعـه

مشكور الله يعطيك العافيه

.

الف شكُر لكَ آخيَ آبو وليَد
وَسلمتَ يمينَك عليَ هذآ لطَرح
وَدمت بودَ

.

الف شكُر لكَ يالغالي
وَسلمتَ يمينَك عليَ هذآ لطَرح الجميل

يعطيك العافيه

ابو وليد

سلام من الله عليك

سلمت على هذه القصيده والقصه

نتمنى ان دائماً تزود منتدنا بكل قديم ومفيد