موضوووع هدم الكثير من البيوت

جزاك الله خير اخوي ياسر أنا اعرف اكثر من وحده يخونها زوجها لكن زوجي قبل الزواج علاقاته قليله وبعد الملكه أخذت رقمه بنت جيرانهم وصارت تراسله لين ماسحبته وماكشفتهم الا بعد ستة اشهر من زواجنا وواجهتهم والبنت انكرت والمصيبه أني قرات رسايلها وعارفه رقمها وزوجي اعترف ويقول البنات اللي يدورن رقم الرجال لين يشبكنه واحيانا يقول تغيير واطيب خاطري وبعدها أتوب/نفسي اعرف ايش الكلام اللي يرسلوه لبعض وليش البنت تخون اهلها مسويه نفسها قدام الناس احسن وحده واذا كانت لوحدها الله اعلم وش تسوي حسبي الله ع كل وحده مو تراسل بس تنوي انها تراسل رجال الله يشغلهن في انفسهن ويجعل كيدهن في نحورهن..والله الشباب مساكين بس البلا من البنات اللي مايخافن ربهن!!!!!!!*

والله الرجال اليوم سار يخاف على نفسه من البنات

أنقلبت الأيه

الله يعين ويكفينا شر المغزلجيات

اللهم أمين

ماقصرت اخوي عبدالرحمن الله يعطيك العافيه أنا كشفته بالصدفه لان الوضع تعدا الحدود/وصعب اطلب الطلاق لان زوجي طيب وحنون وعندي طفل أخاف عليه بس عيب زوجي اغلب كلامه كذب الله يسخره لي ويهديه•*

من ابياتي في قصيدة (قانون الزواج)

واللي ادمن المنكر والا يجاهر بإثمه=لاياخذ بنات الناس وهو في غيرها مفتون
ودنا نحقق القانون قانون الزواج اسمه=يقول الزوج هو العين والزوجه سواد النون

أكيد وانا شفت بعيني كثير..في رمضان نزلنا السوق وانا واقفه ورا زوجي وهو يحاسب جت وحده متبرقعه ولصقت يدها جنب زوجي وتتغنج فالكلام وانا انحرقت أعصابي وماصدقت اطلع من المحل/والموقف الثاني أنا وزوجي جالسين بالسياره ننتظر المحل يفتح بعد الصلاه وفيه وحده واقفه عند باب المحل ومنزله البرقع لين اخدودها طالعه ومعاها بلاك بيري وتاشر لزوجي فيه معاكسه عيني عينك مايستحن ولايخافن واغلبهن تراسل الشاب واذا أخذت اللي تبغاه بلغت الهيئة فيه ويروح المسكين فيها..

صح لسانك اخوي خالد والله يكثر من أمثالك**

من ابياتي في قصيدة (قانون الزواج)

واللي ادمن المنكر والا يجاهر بإثمه=لاياخذ بنات الناس وهو في غيرها مفتون
ودنا نحقق القانون قانون الزواج اسمه=يقول الزوج هو العين والزوجه سواد النون

صح لسانك

والله الكلمات هذي صراحه متعوب عليها

( بس بلاك أنه أخذ بنات الناس )


يعطيك العافيه / الشاعر خالد السحيمي

تحياتي لك